Timmisartumik ajunaartoq nassaarineqartoq
Inuk timmisartumik Sermitsiamut oktobarip 25-anni apornermini ajunaartoq nassaarineqarlunilu timaa tiguneqarpoq.
Timmisartumik aquttoq Sermitsiamut oktobarip 25-anni aporluni ajunaartoq nassaarineqartoq, Kalaallit Nunaanni Politiit paasissutissiipput.
Allattoq Nicole Sander Bertelsen
novembarip 11-at 2025 12:56
Nutserisoq Connie Fontain
Inuk timmisartumik Sermitsiamut aporluni oktobarip naajartornerani ajunaartoq nassaarineqartoq timaalu tiguneqartoq, Kalaallit Nunaanni Politiit tusagassiuutinut marlunngornermi ullaap tungaani nalunaarutigaat.
Tamanna tallimanngormat pisoq tusagassiuutinut nalunaarummi allassimavoq.
Upalungaarsimasut aamma illersornissaqarfik ajutoortoqarneraniilli timmisartup ajutoorfianut piniarlutik suleqatigiipput.
Tamannalu tallimanngormat iluatsinneqarpoq, oqartussallu timmisartoq tikillugu timmisartumik aquttoq toqungasoq nassaaraat.
Timmisartumik aquttup ilaqutai kalerrinneqarput, politiit allapput.
