Imigassamut inatsit: Amerlanerussuteqartut allanngortikkusukkaat
Imigassaq pillugu inatsit niuertunut namminersortunut ipisitsilersoq inatsisartuni ilaasortat arlallit isumaqarput.
- Namminersortut suliffeqarfiutillit avammut ussassaarisinnaanerat uani aamma eqqorneqarmat qineqqusaarnitsinni nipiliutigingaatsiarsimavarput, Inatsisartuni ilaasortaq Atassummeersoq Bentiaraq Ottosen oqarpoq, partiimilu Demokraatit siunnersuutaat tamakkiisumik taperseraa oqaatigalugu.
AAMMA ATUARUK Naalakkersuisut imigassamut inatsit allannguiffiginiarpaat
AAMMA ATUARUK Imigassaq pillugu inatsisip allanngortinniarneqarnera uggornarpoq
Inatsimmut allannguutissatut siunnersuutit Inatsisartuni siullermeerlugit eqqartorneqareerpata Nunatta Qitornai oqarput. Siumukkullu aamma tamanna isumaqatigaat:
Imigassaq pillugu inatsimmut allannguutissatut siunnersuutit
Demokraatit allannguutigerusutaat aaku:
- Imigassat aalakoornartortallit saagunik assiaqusersorneqartalernerat atorunnaarsinneqassaaq
- Imigissat pilerusaatigineqaqqusaajunnaarnerat atorunnaassasoq
- Inuusuttut 18-it inorlugit ukiullit cafeni imigassanik sassaallerfiusartuni unnukkut nalunaaqutaq arfineq-pingasunut anisitaasarnerisa atorunnaarsinneqarnissaa siunnersuutigineqarpoq.
- Imigassat niuertarfinni nioqqutigineqartut assersorneqartarnissaanut inatsisip atorunnaarsinneqarnissaa.
- Killilersuinerup ilaatigut ajortumut sangujartuaartitsinera aarleqqutigaarput. Taamaattumik Demokraatit allannguutissatut siunnersuutaat itinerusumik sammissallugu eqqartussallugulu ataatsimiititaliamut ingerlaqqinnissaa innersuussutigaarput, Siumup politikkikkut oqaaseqartartua Laura Taunajik oqarpoq.
Mittarfissualiornissat piviusunngoraluttuarmata takornariat tikittartut amerlinissaat siunertaatillugu, nunani allani pissutsinut malinnaasariaqartugut Partii Naleqqamit Pele Broberg oqarpoq.
- Pisiniarfiit ammasarfii malillugit imigassaarniarneq malitsikkusupparput. Taamaasiornianngikkutta immikkut pisiniarfiliornissaq tullinnguutissammat, Pele Broberg oqarpoq.
AAMMA ATUARUK Alkohollov har ikke fået folk til at købe mindre
Inatsit marsip aallaqqaataani eqqunneqartup, tassa ukiup affaa qaangiussimatsiaannartoq, allanngortinniarneqarnera Suleqatigiissitsisut isornartorsiorpaat, taamaattoq allannguutissat tunngavilersorneqarluarsimammata allanngueqataarusupput.
- Politikkikkut sangujoraarneq uani suliami taamaallaat maallatigaarput. Inatsisilioriarluni atorunnaarseqqillugu. Aquttut nikippata inatsit atuutseqqilerneqaratarsinnaavoq, tassa amerlanerussuteqarluartut isumaqatigiissuteqarnissaat sulissutigineqartariaqarpoq, Tillie Martinussen oqarpoq.
