Assi: Flickr Creative Commons/fgeoffroy

Akiuussutissamik kapisisimanermut uppernarsaateqassasut

Qimussimik pissartanngorniunnerit assigiinngitsut ingerlanneqarnissaat qalliartorpoq, qimmillu nappaataata tuniluutilinnginnissaa qulakkeerneqassasoq, Avannaata Kommunia oqarpoq.

- Una nappaat piunikoq, annertuumik ingerlaarnikuugami, pinaveersaarteqqinniarlugu kommuni uumasut nakorsaat suleqatigalugu sulissuteqarpoq, Avannaata Kommuniani Sanaartornermut Avatangiisinullu Ingerlatsivimmi pisortaagallartoq, Mathias Mølgaard, oqarpoq.

Assersuutigalugu Avannaata Qimussersuanut peqataassagaanni qimmerisat akiuussutissamik kapitinnissaat qulakkeerneqaqqaartariaqarpoq taamaaliorsimagaannilu uppernarsaateqartariaqarpoq.

AAMMA ATUARUK Qaasuitsup Kommunia akiuussutissaasiveqalerpoq

- Kisianni pappialatigut uppernarsaateqanngippat aallaqqaataanit kapineqassapput.

Kalaallit Nunaanni qimmit qimuttut tamarmik akiuussutissamik, Namminersorlutik Oqartussat akiligaannik, kapineqartarnissaat inatsisitigut peqqussutaavoq.

Tuniluutipallattartoq

Peqqutissaqavittumillu, uumasut nakorsaanerat Sanne Eline Wennerberg oqarpoq:

- Qimmit nappaataat sukkasuupilussuarmik tuniluuttarput. Qimmillu illoqarfinnit assigiinngitsorpassuarnit tikittussaatillugit tamakku tuniluussinnaanerat aarlerinaateqarneruvoq.

Qimmit sukkaniutinnginnermi akiuussutissamik marloriarlutik kapitissimanissaat piumasaqaataavoq.

Kapuuineq siulleq, qimmit nappaataannut parvovirusimut akiuussutissamik kapuuineruvoq, maannamiit februaarip aappaata tungaanut ingerlanneqassalluni.

AAMMA ATUARUK Avannaata Qimussersuanut peqataaniaraanni qimmit kapineqarsimasariaqarput

Kapuuinerup tullia sapaatip akunnerani 9-mi, tassa februaarip naanerani martsillu aallartinnerani, pissaaq, tassanilu perlerorneq akiorniarlugu kapuuisoqassalluni.

Kalaallit Nunaanni Qimussertartut Kattuffianni siulittaasoq, Mikkel Jeremiassen, taama paasissutissiivoq.

- Sukkaniunnianngikkunilluunniit qimmillit tamarmik kommunimut massakkut nalunaartariaqarput, kattuffimmi siulittaasoq taama oqarpoq, nangillunilu:

- Tassa qimminik piginnittoq akisussaaffimmik annertuumik tassani pisussaaffeqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat