- Arfanniartarneq pillugu ataatsimititaliarsuarmi danskit tapersiinerinut akerliullutik Danmarkimi naalakkersuisunut allattorpassuit paatsuuinermik tunngaveqarput. Aningaasarsiutigalugu arfanniartoqaqqittalernissaq anguniarneqanngilaq arferilli piujuaannartinneqarnissaannik nakkutiginninnerulernissaannillu ataatsimiititaliarsuup malittarisassaqalernissaa anguniagaavoq, nunanut allanut ministereqarfimmi siunnersorti Ole Samsing oqarpoq. Taanna arfanniarneq pillugu ataatsimiititaliarsuup ukioq manna ataatsimiinnerani St. Kitts and Nevisimi isumaqatigiissummik akuerseqataavoq.
Arfanniarneq pillugu ataatsimiititaliarsuup tutsuiginarluni arfernik nakkutiginnittarnerata siunissami ingerlattuarnissaa pingaaruteqarluinnartoq
Ole Samsingip erseqqissarpaa. Taamatut nakkutiginnittoqartanngippat ataatsimiititaliarsuup sulinera iluaqutaajunnaassaaq tamannalu danskit soqutiginngilluinnarpaat. Danskit ilaasortaatitaat sunniutaarutissapput taama pisoqarniarpat, Ole Samsing erseqqissaavoq.