Air Greenland nutaamik siulittaasoqalersoq
Air Greenlandimi immikkut ittumik ataatsimeersuartoqarnerani siulersuisut nutaamik siulittaasussamik toqqaapput. Timmisartuutileqatigiiffik tusagassiuutinut taama allappoq.
Allattoq Jonas Fievé
juunip 18-at 2018 14:06
Nutserisoq Connie Fontain
Kjeld Zacho Jørgensen inissititeriffiusumik ataasinngornermi ataatsimiinnermi siulittaasunngorpoq, Claus Holsteinilu siulittaasup tulliatut qinigaaqqilluni.
Kjeld Zacho Jørgensen Jyllandimi illoqarfiup Billundip mittarfiani upernaaq tikillugu pisortaavoq taamaalilluni timmisartuussinermut tunngasuni ukiuni arfineq-pingasuni misilittagaqarluni.
Søren Lennert Mortensen, Jan Torbergerilu immikkut ittumik ataatsimeersuarnermi Namminersorlutik Oqartussanit piginneqataaffigineqartumi siulersuisunit inuulluaqquneqartut, Air Greenland tusagassiuutinut allappoq.
Kjeld Zacho Jørgensen Namminersorlutik Oqartussat siulersuisuni ilaasortarititaraat siulittaasullu tullia Claus Holstein danskit naalagaaffiannit toqqagaalluni.
