Air Greenlandip Illersornissaqarfiullu isumaqatigiissutigeqqammigaanni iluaqutissarpassuaqarpoq.

Illuatungeriit qaammatini qassiiusuni isumaqatigiinninniareerlutik maanna isumaqatigiissummik Illersornissaqarfiup ujaasinermut annaassiniarnermull qulimiguulinnik pingasunik nutaanik Airbusinik peqalernissaanut qulakkeerutaasumik isumaqatigiissuteqarput.

Tamatuma saniatigut Air Greenlandip qulimiguullit Airhus H225-t, qulimiguuliullu mikinerusup Airbus H155-it pisiami iluanaarutaanissaat qulakkeeraa.

Qulimiguullit pingasut ingerlatseqatigiiffiup Illersornissaqarfimmut isumaqatigiissuteqarnerata sivitsorneqarnissaanut neriuuteqarluni pisiaasu, Air Greenland A/S-ip pisortaa, Jacob Nitter Sørensen paasissutissiivoq.

AAMMA ATUARUK Forsvaret vil forlænge helikopter-aftale med Air Greenland

- Isumaqatigiissuteqarnikkut qulimiguulinnut H225-nik marlunnut, siunertamut pisiatsinnut, aningaasaliisutivut attatiinarsinnaavagut.

Tamatuma saniatigut quklimiguullip Airbus mikinerup H155-ip qulimiguulik aalajangersimasumik Narsarsuarmiittoq Bell 212 taarsissavaa.

Air Greenlandip nutaamik isumaqatigiissuteqarami nutaaaanillu qulimiguuliuteqarami, sulisut qulingiluat nunatta qeqqani, avannaani kujataanilu atorfinitsissinnaassagunarpai.

- Tamatumalu saniatigut isumaqatigiissut tunngavigalugu nunaqavissut ilisimasallit sulisoriinnarneqarlutillu aamma ilaneqassammata, kiisalu Qallunaat Nunaanni Nunatsinnilu oqartussat ukiorpassuarni qanimut suleqatiginerat ingerlaannarsinnaasammat nuannaarutigaara.

Air Greenlandip isumaqatigiissummi piumasaqaatit tamaasa eqquutsissinnaappagit isumaqatigiissut nutaaq 2032-p tungaanut atuutissaaq.

Unammillerteqarani isumaqatigiissusiortoq

Illersornissamut ministereqarfiup danskit oqartussaasuisa nunatsinni upalungaarsimanerat – Search and Rescuemik (SAR) taaneqartartoq - EU-mi periarfissaasutut suliariumannittussarsiuunneqassanngitsoq maajimi nalunaarutigaa.

Illersornissamut ministerip, Trine Bramsenip sillimaniarnermi soqutigisat tunngavilersuutigaa.

AAMMA ATUARUK To nyindkøbte helikoptere vil forbedre Search & Rescue i Grønland

Taamaammat Air Greenland isumaqatigiissumminik, 2020-mi qaangiuttussaagaluartumik, sivitsuinissamik danskit illersornissaqarfianut toqqaannartumik isumaqatigiinniarsinnaasoq neqeroorfigineqarpoq.

Isumaqatigiissut Illersornissaqarfiup atortunut pisiniarnermullu aqutsisoqarfiata FMI-p sakkutooqarnermi silaannakkut sulinermut pisortaata, oberst, Jacob Alexap aamma nuannaarutigaa. 

- Suliamik naammassinnissinnaalluni ukiorpasuarni takutitsisumik isumaqatigiissuteqaratta, pioginnaasaqarnerulerpugut. Kalaallit Nunaanni suliassamik unammillernaqisumik piumasaqaatitaqarfiusumi, misilittagaqarneq pissutsinullu ataavartumik malinnaasinnaajuarneq pingaartuuvoq. Tamannalu Air Greenlandip naammassivaa.