Assi: Simon Uldum

Peqqissuunermut ullorititaq: ”Peqqissuseq inuttut pisinnaatitaaffiuvoq; tamanut peqqissuunissaq piffissanngorpoq”

Naalagaaffiit Peqatigiit nunarsuaq tamakkerlugu peqqissuunermut ullorititaat nunatsinni ullumi malunnartinneqarpoq, Peqqissutsimullu naalakkersuisup Martha Abelsenip peqqinnissaqarfimmi unammilligassat aaqqiivigineqarnissaat pillugu allaanerusumik eqqarsartoqarnissaa ujartorpaa.

Ullumi ulloq apriilip ulluisa arfineq-aappaat tassaavoq Naalagaaffiit Peqatigiit nunarsuaq tamakkerlugu peqqissuunermut ullorititaat, ukioq mannalu qulequtaritinneqartoq tassaavoq: ”Peqqissuseq inuttut pisinnaatitaaffiuvoq; tamanut peqqissuunissaq piffissanngorpoq”.

AAMMA ATUARUK Nunatsinni ernisarfiit arfiniliinnaasut

Inuiaqatigiinni peqqinnissakkut sullissinerup nunatsinni aamma kivitseqataaffigineqarnera, Peqqissutsimut naalakkersuisup Martha Abelsenip tupinnanngitsumik nuannaarutigaa:

- Peqqinnissaqarfik minnerunngitsumillu peqqinnissaqarfimmi sulisut inuiaqatigiitsinni tunngavileeqataapput. Nunarput taama angitigitillugu, siammasissumik najugaqartilluta aaqqissuussaanikkullu unamminartorsiortilluta peqqinnissakkut sullissineq oqitsuinnaanngilaq. Nunaqarfimmi illoqarfimmiluunniit najugaqaraluarutta nuannaarutigaara naak taamatut ungasitsigigaluarluta peqqinnissaqarfeqaratta innuttaasunut iluaqutaasumik, Peqqissutsimut naalakkersuisoq Martha Abelsen oqarpoq.

AAMMA ATUARUK Nakorsassaaleqineq erngertumik aaqqiivigineqarsinnaanngilaq

Napparsimmavinni peqqissaavinnilu sulisut taarseraannerujussuat nukinnik atuiffiusorujussuusoq, taassuma aamma oqaatigaa:

- Pisariaqarpoq ullumikkumit allaanerusumik iliuuseqarnissatsinnut periarfissat oqallisigissallugit. Imaassinnaavoq aalajangersimasumik peqqissaasunik eqqortunik piginnaanillit nakorsanik aallartitaasunit, nakorsanit sivikitsuinnarmik atorfeqartuninngarniit, atorfinititsineq pitsaanerusinnaassasoq, Martha Abelsen oqarpoq.

Kikkut tamarmik kikkunnut tamanut peqqissuunissaq anguniarnissaanut pingaaruteqarnerat, inuttullu ataasiakkaatut namminermut ilaquttamullu peqqissuunissaq anguniarnissaanut akisussaaneq, Naalagaaffiit Peqatigiit peqqissuunissaq pillugu suleqatigiiffiata WHO-p aamma ukkataraa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat