WWF paatsoorneqarsimasutut misigisimavoq
![](/sites/default/files/styles/image_934x467/public/article_images/img_2466.jpg?itok=GR9cjP1a)
Pisuni taama nillertigisumik kiinnerfiginneqqinneq Kaare Winther Hansen-ip ugguutigaa, paatsooqatigiinnernillu aallaaveqarsoralugu.
Maanna aalisarnerup ingerlanneqarnera WWF-ip ernumassuteqarfiginngilaa, siunissamili Naalakkersuisut pilersaarutaat piviusunngussappata pisarisassat annertussusaat pineqarlutik.
Aamma atuaruk KNAPK: WWF-imit nikassarneqarpugut
Qaanaami tunisassiorfeqartoqartinnagu ajornartorsiutaanngitsoq siulittaasup Henrik Sandgreen-ip KNAPK tusagassiutinut nalunaarutaani tikkuussivoq.
- KNAPK-lu tassuuna isumaqatigiilluinnaqqissaarpugut, taamaattorli Karl-Kristian Kruse-p tunisassiorfiliortoqarnissaanik pilersaaruteqarnera Qaanaami uumasut amerlassusaannut ajornartorsiortitsilersinnaanera pineqarpoq, Kaare Winther Hansen, WWF-imeersoq oqarpoq.
Naalakkersuisunut akissut
Naalakkersuisup aviisimi allaatiginninneranut WWF-i akissuteqaateqaammi tikkuussutigalugu erseqqissaassutigaa, Qaanaamilu tunisassiorfiliortoqarnissaalu kissaatigalugu.
- Qaanaap pigisaani tunisassiorfittaartoqarnerisigut tunisassiassat annertussusaat maannamiit annertussusaanit allarluinnaat pineqalissapput. Qaanaap nunagisaani maanna aalisarnerup ingerlanneqarnera ernumassuteqarfiginngilluinnarparput.
Aamma atuaruk Uumassusilerisup ingerlatsivimmik pilersitsisoqarnissaa siunnersuutigaa
Qaanaap pigisaani ingerlatsinermut pilersaaruteqartoqarnissaanik pisariaqartitsisoqartoq ippassaq Radioaviisimi Pinngortitaliffiup ersarissumik oqariartuutigaa, tamatumani aalisarnerup eqqissisimasumik inerisarneqarnissaa qulakkeerneqassammat, aammalu uumasut amerlassusaat pillugit ilisimasat annertusarneqarsinnaalissallutik.
Aamma atuaruk Krusep nalunaaruteqarnera WWF-ip iluaraa
Qaanaami tunisassiorfiliortoqannginnerani uumasut amerlassusaasa misissorneqarnissaat pingaaruteqarluinnartoq, WWF isumaqarpoq.
- Aalisakkat amerlassusaat ukiut arlaqanngitsut ingerlanerini appariaateqarfioriaannaapput. Piffimmi ataavartumik isertitsiffiusinnaasunik pilersitsisoqarnissaa kissaatigaarput, Pinngortitaleriffiullu ingerlatsinermik pilersaarusiortoqarnissaanik siunnersuuteqarnera taperserluinnarparput.
Aamma atuaruk Krusep WWF isumaqatiginngilaa