WHO-p coronamut akiuussutissat AstraZenecameersut atorunnaarneqartariaqarsorinngikkai

Coronamut akiuussutissat atorunnaarnissaannut tunngavissaqanngitsoq, WHO-p oqaaseqartartua oqarpoq.
Akiuussutissat taakku Danmarkimi Norgemilu atorunnaarallartitaareersullu, Europami Nakorsaatinut Aqutsisoqarfik (EMA) isumaqataalluni sisamanngornermi nalunaarpoq. Danmarkimi sapaatit akunnerini marlunni atorunnaarallartitaapput. Assi © : Liselotte Sabroe/Ritzau Scanpix
Allattoq Ritzau
marsip 12-at 2021 11:47
Nutserisoq Jaaku Lyberth

Naalagaaffiit Peqatigiit peqqinnissakkut suleqatigiiffiata, WHO-p, coronamut akiuussutissat AstraZenecameersut unitsinneqarnissaannut tunngavissaqannginnerarpaa.

Inuit arlaqartut taassuminnga covid-19-mut akiuussuserneqarnerminni taqqamikkut milittoorsimasut arlaqartullu toqusimasut nalunaarutigineqareersorlu akiuussutissap AstraZenecameersup Danmarkimi Europamilu nunani arlaqartuni atorunnaarallartitaareersullu, WHO taama qisuariarpoq.

- Aap, coronamut akiuussutissat AstraZenecameersut atuinnarnissaat pisariaqarpoq, WHO-p oqaaseqartartua Margaret Harris oqarpoq.

- Atorunnaarnissaannut tunngavissaqanngilaq, taanna oqarpoq.

AAMMA ATUARUK Nakorsaaneq AstraZenecamit akiuussutissaq pillugu: Siunissami qaninnerusumi kapuisukinnerusoqarsinnaavoq

Akiuussutissat taakku Danmarkimi Norgemilu atorunnaarallartitaareersullu, Europami Nakorsaatinut Aqutsisoqarfik (EMA) isumaqataalluni sisamanngornermi nalunaarpoq. Danmarkimi sapaatit akunnerini marlunni atorunnaarallartitaapput.

Akiuussuserneqasimasuni taqqamikkut milittoortartut akiuussuserneqarsimanngitsunit taqqamikkut milittoortartunit amerlanerunngitsut, EMA nalunaarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk