WHO-p coronavirusip tuniluutilertornera ernummatigalugu akiuussusersuinerit amerliseqqugai
Coronavirusip tuniluutilertornera, Naalagaaffiit Peqatigiit peqqissuunissaq pillugu suleqatigiiffiata, WHO-p, ernummatigaa, nualluullu alaatsinaaffigalugulu akiuussusersuinerit amerliseqquaat.
Coronap tuniluunnera nunat arlallit nakkutigiunnaarnikuuaat.
- Covid-19-illi nunarsuup affaani avannarlermi ukiuunerani ernumanaatilimmik siaruaannissaa suli ernummatigaarput, WHO-p qullersaa Tedros Adhanom Ghebreyesus tusagassiortunik katersortitsinermi oqarpoq.
Qullersap oqarnera naapertorlugu nunat 43-t suleqatigiiffiup ernumaneratulli ernumapput. Allallu 20-t napparsimmavinnut unittartut amerlassusaat nalunaarutigisarpaat.
Suleqatigiiffiup eqqoriarpaa, inuit hundredetusindilikkuutaat maannakkorpiaq coronavirusimik tunillanneqarsimasut napparsimmavinni uninngasut.
Covid-19-imik akiuiniarnermi teknikkikkut suliniuteqarnermut WHO-mi akisussaasoq, Maria Van Kerkhove, ernumavoq, oqarluni ukiornissaa qanillereermat tuniluunnera immikkut ernummatissaasoq.
- Qaammatit issimik nalaataqarfigisagut nallerutsigit – nunat ilaanni – ataatsimoorluta angerlarsimanerulersarpugut, virusilu taamaalilerani silaannakkut tuniluutilersartoq atugarissaartarpoq, WHO-meersoq Maria Van Kerkhove oqarpoq.