WHO-p tuniluunneq pillugu siullerpaamik isumaqatigiissusiornissaq neriuutigigaa
Naalagaaffiit peqatigiit peqqinnissaq pillugu suleqatigiiffia WHO tassa naalagaaffiit peqatigiit peqqinnissaq pillugu suleqatigiiffia ukiumoortumik ataatsimeersuarnerani, Genèvemi ippassaq sapaatiummat pisumi, nunarsuaq tamakkerlugu tunillaassuunneq pillugu nutaamik isumaqatigiinniartoqarpoq.
Suliniaqatigiiffissuup generaldirektøriata Tedros Adhanom Ghebreyesusip isumaqatigiissutissaq “oqaluttuarisaanermi isumaqatigiissutitut” taavaa, tassa oqaluttuarisaaneq coronap kingorna nunarsuarmi tamarmi peqqissutsimut isumannarunnaartoqaraluarnera matumani pineqarluni.
Isumaqatigiissutissarlu ilaatigut imaqarpoq nunarsuarmi nappaalanersuaqaqqilissagaluarpat isumannaannerusumik periataartoqassasoq aammalu pitsaaliuigasuartoqassasoq.
Erseqqissaatigineqarporli suliaq aatsaat aallartilaarmat. Siunertaavorli tullissaanik nunarsuaq tamakkerlugu peqqissuseq pillugu, maajimi 2024-mi ataatsimeersuartoqaqqilerpat isumaqatigiissut naammassineqareersimassasoq.
Nunarsuaq tamakkerlugu tunillaassuuttoqariataarnissamut isumaqatigiissutissaq akuerineqassappat taava taanna isumaqatigiissut WHO-p, ukiut 75-it matuma siorna aallarteqqaarneraniilli, aatsaat taamak inatsisitigut suliaatigisussamik isumaqatigiissummik pilersitsisoqassasoq oqaatigineqarpoq.
WHO-p ulluni makkunani ataatsimeersuarnera maajip 30-ata tungaanut pissaaq.