Qinersisartunut ataatsimiisitsineq: Trumpi Pennsylvaniamut tikeqqinniarpoq
Republikanerit Præsidentitut sassartitassaat Donald Trump, qinersisartut ataatsimiisinneqarneranni juulip ulluisa 13-ani aallaasersorfigitiffini, illoqarfik Butler naalagaaffik Pennsylvaniamiittoq tikeraaqqissallugu oqaatigaa.
Inuit attaveqatigiittarfianni Truth Social, nammineq pigisamini, taama allappoq.
- Butler, Pennsylvaniamiittumut tikeqqissaanga, qinersisartut ataatsimiiseqqissaagut, tamatuma annertunerussaaq kusanarlunilu. Qatserisartoq Corey asasarput, inuillu nunatsinnik pingaartitsisut marluk ikilerneqartut ataqqiniarlugit. Trump tallimanngormat taama allappoq.
Amerikamiut præsidenterisimasaat Donald Trump naalagaaffimmi Pennsylvaniami qineqqusaarluni oqalugiarnermini annikitsumik siutimigut eqqorneqarluni aallaaneqarpoq.
Aallaasersortoqarmat tusarnaariaq qatserisartoq Corey Comperatore toqukkut qimaguppoq. Tusarnaariallu marluk aamma ikilerneqarlutik.
20-nik ukiulik aallaasersortoq Thomas Matthew Crooks, USA-p isertortumik paasiniaasartuisa pisumi tassani toquppaat.
