USA-mi præsidentimut qinersinermi naligiiffiukkajuttumi qinersisinnaatitaasut 57 procentii qinersereersimalersut

Qinersinissamik periarfissaq aqagu kingulliusoq, Amerikap naalagaaffiisa ilaanni North Carolinami inuit 4,2 millionit præsidentimut sioqqutsillutik qinersereersimalerput.

North Carolina USA-mi præsidentimut naalagaaffinni qinersinermi naligiiffiusorujussuukkajuttunut ilaavoq.

USA-mi præsidentimut kingullermik 2020-mi qinersisoqarmat sioqqutsillutik aatsaat taama qinersiaartoqartigisoq, ukiormanna amerlanerupput.

Qinersiaarnissamik periarfissaq USA-p illoqarfiisa immikkoortortaqarfiini tamangajanni atuuppoq.

North Carolinami qinersisinnaatitaasut 7,8 millioniupput. Allakkatigut qinersisut ilanngullugit qinersisinnaatitaasut 57%-ii qinersereersimalerput.

Qinersereersimasulli amerliartuinnarnissaat, qinersinermut ataatsimiititaliap naatsorsuutigaa.

Qinersereersimalersorpassuaqarnera republikanerit qinersiaarnissamik kaammattuuteqarnerannik ilaatigut pissuteqartoq, USA-mi nutaarsiassaqartitsiviit ilaat AP allappoq.