USA-mi præsidentimut qinersisisinnaatitaasuni 25 millioningajalluinnaat qinersereertut
USA-mi qinersisartuni 25 millionit missaat præsidentimut novembarip ulluisa tallimaanni qinersinissamut atatillugu qinersereerput
Taakkua qinersivinnut ornigullutik allakkatigulluunniit qinersipput.
University of Floridap immikkoortuata Election Labip kisitsisaataani tamanna takuneqarsinnaasoq, nutaarsiassaqartitsivik Reuters allappoq.
USA-mi naalagaaffinni qinersinermi naligiiffiusorujussuukkajuttuni soorlu North Carolinami Georgiamilu qinersisartorpassuit qinersereerput, aatsaallu taama amerlatigisut qinersereersut sapaatit akunnerata siuliani paasinarsivoq.
Republikanerit qinigassanngortitaat Donald Trump demokratillu qinigassanngortitaat Kamala Harris præsidentimut qinernissamut atatillugu naligiittorujussuuleruttorneranni siusissukkut qinersisoqareertorpassuaqarpoq.
USA-mi præsidentimut qinersinissamut sapaatit akunneri marluujunnaarput, novembarimmi ulluisa tallimaanni qinersisoqassammat.
Trump 47 procentinit taaguunneqassasoq Harrisilu 45 procentinit taaguunneqassasoq, Aviisip The Wall Street Journalip inunnik isumasiuinerata takutippaa.
