USA-mi præsidentinngorniaq Kamala Harris allakkatigut qinersereersimalersoq

USA-mi præsidentimik qinersisoqarnissamut atatillugu, demokratit sassartitaat Kamala Harris allakkatigut qinersisimalluni sapaammi nalunaarpoq.

Nutaarsiassaqartitsivik AFP taama allappoq.

Allakkatigut qinersinini najukkaminut Californiamut nassiunneqarsimalersoq, pæsidentissatut sassartoq oqarpoq.

Kamala Harris qineqqusaarnerminut atatillugu USA-mi naalgaaffimmi Michiganimi illoqarfissuarmut Detroitimiippoq.

USA-mi qinersisinnaatitaasuni 76 millionit Florida Universityp kisitsisaatai naapertorlugit qinersereersimalersut, nutaarsiassaqartitsivik Reuters allappoq.

2020-mi qinersinermi inuit 160 millionit qinersimmata, Donald Trumpip USA-p maanna præsidentia Joe Biden ajorsarfigaa.

Kinguaariit tullii iluamik angusaqaqqullugit, Kamala Harris ilaatigut Detroitimi oqaluffiit isertarlugit qineqqusaarpoq.

Donald Trump aamma qineqqusaarluni angalaleruttorpoq.

- Præsidentip Illorsua 2020-mi qinersinerup kingorna qimanngisaannarsimassavara, Donald Trump Pennsylvaniami qineqqusaarnermini oqarpoq.

Qinersinissamik periarfissaq aqagu marlunngornermi kingulliussaaq.