Ritzau

Kamala Harrisip Trump ajugaaffiginiaraa

Partiiminni nunaminnilu ataqatigiinnerulertoqarnissaa sulissutiginiarini Donald Trumpilu ajugaaffiginiarini, USA-p præsidentimut tullersorti demokratineersoq Kamala Harris oqarpoq.

Allattoq Ritzau

juulip 22-at 2024 08:35

Nutserisoq Jokum Nielsen

Partiimi præsidentinngorniartussaatut toqqagassarsiornerani ajugaaniarluni Donald Trumpilu ajugaaffiginiarlugu, USA-p præsidentianut tullersorti Kamala Harris oqarpoq.

Joe Bidenip præsidentinngorniunnermit sapaammi tunuarmat tullersortinilu Kamala Harris demokratit præsidentitut qineqqusaartussaatut tikkuarmagu tamanna pivoq.

Partiip tunuliaqutaanit præsidentinngorniartussatut Kamala Harris tapersersorneqarpoq.

Aamma atuarukKamala Harris USA-mi præsidentinngorniuttussatut piukkunneqartoq

Præsidentimut novemberip tallimaani qinersinissami USA-mi naalagaaffeeqqanit 50-iusunit tamanit naalagaaffeeqqat demokratit partiimut siulittaasuannit Kamala Harris tapersersorneqarpoq.

Nutaarsiassaqartitsivik Reutersimut pisamut ilisimasaqartunit ilisimatitsisoqarpoq.

Demokratini nuimasut arlalissuit taperseruinerminnik aamma nalunaaruteqareerput.

Soorlu Gavin Newsom, Californiap guvernøreria aamma senatori Elizabeth Warren.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.