Kamala Harris USA-mi præsidentinngorniuttussatut piukkunneqartoq
![](/sites/default/files/styles/image_934x467/public/2024-07/20240705-084710-L-1920x1280we.jpg?itok=kpu2X-rg)
Joe Biden USA-mi præsidentimut novembarimi qinersinissamut sassartinniarneqarunnaarluni allamik sassartitsinissaq ilimanarsilluinnartoq, aningaasanoorutinik eqquiniaasitsisartut oqaatigaat.
Tassa USA-p præsidentiata Bidenip tullersortaa Kamala Harris novembarimi præsidentinngorniunissamut USA-mi demokratinit sassartinneqaannassasoq, aningaasanoorutinik eqquiniaasitsisartut ilimagilluinnarpaat.
Amerikami nutaarsiassaqartitsiviit ilaat inunnik aamma isumasiuisartuusoq RealClearPolitics taama allattoq, Danmarkimi aviisit ilaata Berlingskep issuarpaa.
Kamala Harrisip præsidentinngorniunissamut USA-p præsidenterisimasaa republikanerineersoq Donald Trump unammisassaatut USA-mi demokratinit sassartinneqartussatut ilimanassusaa agguaqatigiissillugit 44,2 procentiusoq, aningaasanoorutinik eqquianiaasitsisartut arlallit nittartagaanni allaqqavoq.
Joe Bidenip præsidentinngorniunissamut sassartinneqarnissaata ilimanassusaa agguaqatigiissillugit 36,8 procentiuvoq.
Joe Biden USA-mi novembarimi præsidentinngorniunnissamit tunuarnissamut demokrateqatiminit arlalinnit kaammattorneqarnikuuvoq.
Taamaakkaluartoq suli nuannareqigitsik, Bidenip tunuarnissaanik kaammattuisut ilaat oqarpoq.