Bidenip nakorsap innersuussutigissappagu tunuarnissi eqqarsaatiginiaraa

USA-mi præsidentimut qinersisoqarnissaanut atatillugu peqqissutsini eqqarsaatigalugu qinigassatut tunuartariaqarnissaa nakorsap innersuussutigissappagu, qinigassatut tunuarniuteqarnissani eqqarsaatigisariaqassallugu, USA-p præsidentiata Joe Bidenip maanna oqaatigaa.

Joe Biden, BET Newsimit apersorneqarluni taama oqartoq, aviisip The New York Timesip allaaseraa.

- Napparsimalissagaluaruma, katsorsarneqartariaqartumilluunniit arlaannik napparsimalissagaluaruma, præsidenti oqarpoq.

Joe Bidenilu coronavirusimik tunillanneqarsimasoq maanna aamma paasineqarpoq. Nutaarsiassaqartitsivik Reuters taama allaaserisaqarpoq.

Præsidenti coronaviruseqarnermut sakkukitsuinnarmik ersiuteqartoq nalunaarutigineqarpoq.

Præsidentip peqqissusaa, ukioqqortunera, præsidentitullu piukkunnassusaa piffissami kingullermi oqallisigineqangaatsiarpoq.

Innuttaasut sinnerlugit sinnerlugit sinniisoqarfimmi, tassa Repræsentanternes Husimi ilaasortat demokratineersut 20-t missaat, Bidenip qinigassanngortinnerminit tunuarnissaa, allamillu qinigassanngortitsisoqarnissaa, kaammattuutigisimavaat.