Bidenip politikkikkut torernerusumik oqallittoqalernissaa kammattuutigigaa

USA-p præsidentia Joe Biden, nuna tamakkerlugu malinnaavigineqarsinnaasumik qaqutigoortumillu ataasinngornermi oqalugiarpoq. Siornatigut præsidentiusimasup Donald Trumpip pinerliiniarluni periarneqareernerata kingorna Biden oqalugiarpoq.

USA-mi politikkikkut torernerusumik oqallittoqalernissaa Bidenip oqalugiarnermini tassani kaammattuutigaa.

- Taamatut nakuuserniartoqartarnerata nalinginnaasunngortinneqarnissaa pinaveersaartittariaqarparput. Politikkikkut sakkortuallaamik oqallittoqalersimavoq, torernerusumillu oqallittoqartariaqalerpoq.

- Tamatta matumani akisussaaffeqarpugut, præsidenti oqarpoq.

Biden nunatta nalunaaqutaa naapertorlugu unnuaq nalunaaqutaq aqqaninngoriitsiartoq nuna tamakkerlugu malinnaavigineqarsinnaasumik oqalugiarpoq.

Suna pissutigalugu aallaasersortoqarnersoq suli ilisimaneqanngitsoq Bidenip oqaatigaa.

Aallaasersorneragaasoq kisimiilluni aallaasersornersoq, allalluunniit peqatigalugit aallaasersornersoq suli ilisimaneqanngitsoq præsidentip ilanngullugu oqaatigaa. Aallaasersorneragaasoq politiinit aallaaneqarluni toqutaavoq.

- Politikki sorsuffinngortinneqassanngilaq, Joe Biden, præsidentip Washington D.C-mi illorsuani allaffimminit Det Ovale Værelsemit oqalugiarnermini ilaatigut oqarpoq.

Præsidentiusimasup Donald Trumpip naalagaaffimmi Pennsylvaniami qineqqusaarnermi nalaani Trump sapaammi toqoriaraluarneqarpoq.