Ritzau

Gazami saassussisoqaqqinnerani inuit 50-init ikinnerunngitsut

Israeli Gazamik Hamasimit aqunneqartumik tamakkiisumik nakkutiginnittunngorusuppoq. Sakkutuunik saassusinermik annertuumik aallarniisoqarpoq.

Allattoq Ritzau

maajip 19-at 2025 16:30

Nutserisoq Karla Heilmann, Josefine Rasmussen

Israelip Gazami saassussinerani ikinnerpaamik inuit 52-it taasinngornermi toqutaapput.

Taamak Gazami illersornissamik suliallit paasissutissiipput.

- Israelimiut Gazamik unnuap qeqqaniilli ullaaralaap tungaanut qaartartumeerineri suli ingerlasut, 52-inik toqusoqarneranik kinguneqartoq, illersornissamik suliaqartut oqaaseqartartuat Mahmud Bassal oqarpoq.

Gazami ataasinngornermi ualikkut qaartartumeerineq suli ingerlanneqartoq, Israelimiullu sakkutuuisa “saassussinertik nunami annertusisimagaat” oqaaseqartartoq oqarpoq.

Israelip Gaza tamakkerlugu aqulissagaa aamma Israel Palæstinami eqimattamut Hamasip sakkutuuisa ikiueqqaarnermut atortussanik tillinniarnissaannik akornusersussallugit, ataasinngornerup siuliani Israelip ministeriunera Benjamin Netanyahu oqarpoq.

Hamasi Gazami maanna nakkutilliivoq.

Sakkutuut saassussinerat annertooq

Gazap avannarpasissuani kujasissuanilu ”sakkutuut annertuumik saassussisut”, israelip sakkutuui sapaammi ilisimatitsipput.

Marsimili Gaza israelimiit assersorneqalerpoq, taamaalilluni sumiiffimmut tassunga ikiuisussanik orniguttoqarsinnaanani.

Nerisassaqarneq, imeqarneq, ikummatissat nakorsaatillu isornartumik minnerpaaffissaannut pinissaannut qallinera FN-i ikiuiniaqatigiiffiillu sapaatip-akunneri arlallit aarlerinartumiilersippaat.

Nunarsuarmi sukataarunneqarnerata malitsigisaanik, Gazami kaannersuaqalernissaa pinngitsoortikkumallugu nerisassanik “annertunngitsunik” tunniussisoqarnissaanut akuersisoqarsimasoq, Netanyahup allaffeqarfia sapaammi nalunaarpoq.

Israeli Gazami sorsunnermut toqoraaffiusumut eqimattamut Hamasip sakkutuuinut oktobarimili 2023-mili akiuutilerput, tassani palæstinamiut sakkutuui Israelimut saassussimmata.

Tassanngaannaq saassussisoqarnerani Israelimiut 1200-t missaat toqutaapput, 251-illu sallunaveeqqutitut tigusarineqarlutik. Suli arlallit Gazami tigummineqarput.

Gaza-mi peqqinnissamut oqartussat naapertorlugit, palæstinamiut 53.000-init amerlanerusut oktobarimi 2023-miit Gazami Israelip sakkutuuisa saassussinerini toqutaasimapput. Amerlanerpaartaat sakkutuujunngitsut.

Taakkununnga ilanngullugit innuttaasut 2,3 millioningajalluinnaat qimaasinneqarlutik.

/ritzau/AFP

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.