Maajimili coronap allanngornera Danmarkimiissimavoq
![](/sites/default/files/styles/image_934x467/public/2023-08/20220814-210730-7-1920x1279we.jpg?h=d2694729&itok=tKwq3hri)
Cornavirusip allannguutaanut Omikronimut assingusoq Erisimik taaguuserneqarsimasoq Sverigemi tallimanngornermi siullerpaamik nalunaarsorneqarpoq.
Eris - imaluunniit EG.5, coronavirusip allannguutaa pisortatigoortumik taaguuteqarpoq, virusilu taanna Danmarkimi ukioq manna maajimili tuniluussimalluni.
- Inuit 54-it EG.5-imik tunillanneqarsiomasutut nalunaarsorneqarput, Naalagaaffiup nappaatinik nakkutilliisoqarfiani, tassa Statens Serum Insitutimi immikkut ilisimasalik Morten Rasmussen oqarpoq.
Coronavirusip allannguutaanik taassuminnga tunillanneqarsimasut juunimi amerliartorsimsut immikkut ilisimasallip oqaatigaa.
Danmarkimili misissortittartut maanna ikittuinnaammata coronavirusip allannguutaata taassuma inuiaqatigiinni qanoq tuniluutsiginera Statens Serum Institutip kisitsisaatiginngilai.
- Paasisattali takutippaat ernumassutissaqanngitsoq, Morten Rasmussen oqarpoq.
Coronavirusip allannguutaa Eris nunat 50-it missaanni maannamut siumorneqarsimavoq.
Coronavirusimik Sverigemi tunillanneqarsimasut 10 procentiisa missaat Erisimik tunillanneqarsimapput.