Norskit prinsessiat ullumi katippoq
![](/sites/default/files/styles/image_934x467/public/2024-08/20240831-095134-L-5168x3445ma.jpg?h=c17bda00&itok=GmgEfeE3)
Prinsesse Märtha Louise amerikarmiorlu Durek Verrett ullumi katipput.
Nunaqarfimmi Geirangerimi, akunneq ataatsimik kinguaattooreerlutik marlunut katipput.
Katinnerannut atatillugu nalliuttorsiorneq Ålesummimi sisamanngormat aallartippoq. Ippassarlu qaaqqusat katittussallu nunaqarfimmut tikissimapput.
Aappariit arlaleriarlutik uissuumititsinikuupput.
49-nik ukiulik Durek Verrett imminut angakkunngortinnikuunini, uissuuminartunillu oqaaseqartarnera pillugu akulikitsumik sammineqartarpoq.
Soorlu ilaatigut oqaatiginikuugaa siulittuisinnaalluni, kræftertunillu katsorsaasinnaalluni. 2023-milu meeqqat anersaapilunnik pulaffigitissimasut qanoq ikiorneqassanersut videoliornikuusimavoq.
Prinsessi immikkut piginnaaneqarnini, inngilinullu attaveqarsinnaanini ammasumik eqqartornikuuai.
Danskit kunngikkormiut katittunut peqataanngillat
Prinsesse Verrettilu suliatik pillugit kunngikkormiunullu atanertik ersarissumik killiliinikuupput 2022-mi kissaatigisimavaat.
Taamaammat prinsessi kong Harald peqatigalugu, kunngikkormiut suliassaanut peqataatinneqartassanani aaliangersimapput.
Danskit kunngikkormiui tusagassiorfimmut Billed-Blademut katittunut peqataaniarnatik oqaatigisimavaat.
Svenskit kunngikkormiui kunngissaq Victoria uialu prins Daniel, kunngissap aqqaluaa Prins Carl Philip nuliaalu prinsesse Sofia katittunut peqataapput.
Tamanna Svenskit kunngikkormiut NTB-mut nalunaarutigaat.
/ritzau/