Politiit angummik 37-inik ukiulimmik ujaasinertik unitsippaat
![](/sites/default/files/styles/image_934x467/public/2024-03/H225_1.jpg?itok=xrWbO7py)
Tallimanngormat ualisoq angut 37-nik ukiulik Narsarsuarmiit Qassiarsummut qajartorluni avalassimasoq arfininngorneq ullaavani ujaarineqalerpoq.
Politiit ujaasineq unitsillugu tusagassiuutinut nalunaaruteqarpoq.
Ilaqutaasut angut pissarsiarisinnaanagu Politiinut arfininngorneq ullaavani nalunaaruteqareersut, ujaasineq annertooq aallartippoq.
Politiit Issittumi sakkutooqarfik suleqatigalugu, innuttaasullu nammineq kajumissutsiminnik ikiuullutik ujaaseqataapput. Politiit angallataat Nukik Qaqortumiit ikiuukkiartorluni aamma ornigussimasoq, politiit allapput.
Qassiarsup eqqaani kangerlummi Narsarsuulllu sineriaa sinerlugu, qulimiguulimmik immami ujaasineq ingerlanneqarpoq.
Ujaarineqartup pigisai qajaalu Narsarsuup kitaatungaani nassaarineqarput, ujaarineqartorli nassaarineqanngilaq.
Politiit ujaasinerminni ingerlariaqqissinnaannginnamik ujaasinertik unitsillugu paasissutissiipput.
Qanigisaasut ilisimatinneqareertut, politiit nalunaarutigaat.