- Coronap allannguutaa omikroni kingullermi maani tuniluuttoq annertunerusumik ajoqutaasumik tuniluutinngilaq, taamaammat maleruagassat assigiinngitsut atuutsinnissaat pisariaqanngilaq, Henrik L. Hansen oqarpoq.Assi: Malik Brøns / KNR

Coronaruit ullumimiit mattusimasariaarupputit

Coronavirusimik tunillatsissimaguit maanna matusimasariaarupputit. Danmarkimi peqqinnissamik aqutsisoqarfik, nunattalu nakorsaanera taama ilisimatitsipput.

Coronartoqartillugu killilersuutit Danmarkimi peqqissutsimut aqutsisoqarfimmit atuukkunnaarsinneqarput.

Danskit peqqissutsimut aqutsisoqarfiat tusagassiuutinut taama nalunaaruteqartoq, ritzau allappoq.

- Inuiaqatigiinni peqqinnissaqarfinnilu Covid-19-eqartoqartillugu qanoq iliuuseqarfigineqarsinnaanera pillugu pissutsinut nalinginnaanerusunut alloriaqqippugut, Aqutsisoqarfimmi pisortaq, Line Raahauge Hvaas, tusagassiuutinut nalunaarummi oqarpoq.

Danmarkimi coronartoqartillugu mattusimanissamut maleruagassat atuukkunnaarsinneqarput.

Maleruagassat nunatsinni aamma atuukkunnaarsinneqassasut, peqqissutsimut naalakkersuisumit Mimi Karlsenimit (IA) nalunaarutigineqartoq, nunatta nakorsaanera, Henrik L. Hansen KNR-imut oqarpoq.

- Coronap allannguutaa omikroni kingullermi maani tuniluuttoq annertunerusumik ajoqutaasumik tuniluutinngilaq, taamaammat maleruagassat assigiinngitsut atuutsinnissaat pisariaqanngilaq.

- Coronamilli tunillatsissimallutit paasigukku, inunnut akulerutinnginnerni peqqissilluarsimanissat qulakkeeqqaassavat, nunatta nakorsaanera oqarpoq.

Corona nualluut nalinginnaasutut nalilerneqartoq

Corona nualluutitut allatut nalinginnaasutut maanna nalilerneqarpoq. Taamaammallu coronartut mattusimanissaat pisariaarulluni.

Danmarkimi suli coronamut missortittoqartartoq, nunatsinni ukioq aallarteqammisoq innuttaasut coronarnersut misissorneqassaarput.

Maannali Danmarkimi napparsimmavimmut unitsinneqarasuartut coronamik tunillatsissimanersut misissorneqassaassapput.

Naartusulli taakkulu aappaasa anersaartuutimikkut, tassa toqqusaakkut puakkut aallatigulluunniit, aseruuttoorneqarnerat nakkutigineqarluni immikkut sillimaffigineqassaaq.

Nunatsinni coronavirusi pillugu
killiffik

Uninngasut 0  
Toqusut 21  
Siullermik kapitissimasut 73%  
Aappassaa kapitissimasut 68%  
corona.nun.gl-imi kisitsit takukkit  
  Nutarterneqarpoq: 
  Apriilip 1-aat 14:00

corona_model_001.png

Nunatsinni coronavirusi pillugu

Coronavirusimik tunillatsinissaq pinaveersaaruk