Qilalugaq russit kilitsissiaannit sungiusarneqarsimangatinneqartoq Norgemi toqungasoq nassaarineqarpoq
![](/sites/default/files/styles/image_934x467/public/article_images/hvidhval.jpg?itok=0-27i5K3)
Qilaluaq qaqortaq Hvaldimir, russit kilitsissiaannit sungiusarneqarsimamangatinneqartoq Norgep kujataatungaani toqungasoq nassaarineqarpoq.
Ukiorpaalunni Hvaldimirimut paaqqutarinnittoq, Ilisimatusartoq Sebastian Strandi Norgemi nutaarsiassaqartitsivik NRK-mut taama paasissutissiivoq.
- Ajoraluartumik Hvaldimir toqungalluni puttasoq nassaarivarput. Suna toqqutigisimaneraa suli naluarput. Taanna oqarpoq.
Qilalugaq anuusalik, russit allattaasaanik allaqqasunik nalunaarsugaalluni 2019-mi Norgemi puttuppoq. Taannalu pillugu russit kilitsissiaattut pasineqarsimalluni.
Allat tarnimikkut napparsimasunut katsorsaanermi atorneqartarsimasoq oqaatigaat. Qulakkiivinneqarnikuunngilarli sumorpiaq atorneqarsimanersoq.
Tromsømi, Norgep issittumi ilisimatusarfiaini norgemi nutaarsiassaqartitsivik NTB naapertorlugu russit imarsiortuisa qilalugaq misileraatiminut atortarsimagaat.
Hvaldi qaaqquneqaraangami aggertarpoq
Qilalugaq nunani tamalaani ukkatarineqangaatsiartoq.
Siullermik takuneqarfiani najugallit Hvaldimirmik atsersimavaat.
2022-mili Hvaldimik taajuuteqalerpoq russit presidentiat Vladimir Putinip atianut assinguvallaarmat.
Paasineqarmalli qilalugaq norskinik ataavaartumik malinnaaffigineqarpoq.
Nujuitsuummat qaaqquneqaraangami aggertarsimasoq nutaarsiassaqartitsivik NTB allappoq.
Mobilimik immamut nakkaasaqartoqarmat qilalukkap mobili immap naqqaniittoq aammagu, nunarsuarmi tusaamasaassutigigaa nutaarsiassaqartitsivik NTB allapput.
Nuulluni immaqaluunniit nuunnani
Inuppassuit qilalugaq takujumallugu tikerartaput, ilaatigut Australiamiit.
Suliniaqatigiiffik One Whale sivisuumik qilalugaq avannarpasinnerusumut nuutsikkusullugu suliniuteqaraluartut.
Siullermik Svalbardtimut nuutsikkusullugu qinnuteqaataat Norskit naalagaaffianit itigartitsissutigneqarpoq. Julimi aalisarnermut pisortaqarfik Finnmarkimi Norgep avannaani Varangerip kangerluanut qilalugaq nuutsinniqarsinnaasoq akuersissutigaat.
Taamatut aalajangiisoqarnera ilisimatusartoq Sebastian Strandip isornartoqartissimallugu oqoarpoq.
Ilisimasallit 70-nit ikinnerunngitsut aalisarnermut pisortaqarfimmut qilalugaq nuunneqassappat peqqissusaanut innarliisinnaanera pillugu naammagittaalliummik allagaqaasiorput.
Aaqqiagiinngissuserli tamanna atuuffeeruppoq, tassami qilalugaq Hvaldimir toqummat.
/ritzau/