Vivi Inger Kristiansenip arnaa suli neriuuteqarpoq

Kalaaleq arnaq 31-nik ukiulik, Vivi Inger Kristiansen, Ringstedimi najukkaminiit aasaq juulip qaammataani sumiiffeerusineqartoq suli nassaarineqanngitsoq Roskildemi politiit nalunaarput.

Allattoq Elisa Isaksen

januaarip 08-at 2009 16:57

Augustine Kristiansenip qaammatit arfinilissaat panini utaqqivaa, sulilu ajorani nassaarineqarnissaa neriuutigalugu.

Vivi Kristiansen aasarli sumiifferussineqarmat politiit suna tamaat atorlugu ujarleraluarput, kinguneqanngitsumilli.

- Qanoq pisoqarsimaneranik nassuiaataasinnaasunik tusarusukkaluarpunga. Angerlarsimaffitsinni sumininnguit allaat assortuussutigisarlutigit ulluinarni inuuneq artornaqaaq, Augustine Kristiansen oqarpoq, panimmilu ajorani nassaarineqarnissaa suli neriuutigigaluarnerarlugu.

- Roskildemi viceinspektør, Jens Møller Jensen oqarpoq ukiap ingerlanerani marlussunnik saaffiginnittoqartarsimagaluartoq ujarlernerminnulli iluaqutaasinnaasunik suli takkuttoqanngitsoq. Vivi Kristiansenili sumiiffeerussineqarmat aamma aningaaserivimmi kontoa attorneqarsimanngimmat toqusimanissaa annilaanngatiginerarlugu. Jens Møller Jensenilli erseqqissarpaa, qanoq pisoqarsimanera qulakkeertinnagu paasissutissanik ujarlertuassallutik.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.