Tasiilami umiarsualiviup eqqaani toqungasumik siumuisoqartoq
Ilanngutassiaq toqusup aqqanik assianillu sapaammi nalunaaqutaq 10.30 nutarterneqarpoq.
Kalaallit Nunaanni Politiit Tasiilami umiarsualiviup eqqaani imaani inummik toqungasumik siumuisoqartoq arfininngornermi ullaap tungaani nalunaaqutaq 10.12 nalunaarfigineqarput.
Politiit tusagassiuutinut nalunaarummi allapput.
Inuk pineqartoq tassaavoq angut 40-nik ukiulik. Taassuma ilaqutai ilisimatinneqarput. Angut qatserisartut ikiortigalugit imaanit qaqinneqarpoq.
Politiit suliaq pasineqartumik toqusoqarneratut misissueqqissaarfigaat. Taamaammat ilisimannittuusinnaasunik attavigineqarusupput.
Politiit suliamut atatillugu piffissami matumani annerusumik oqaaseqarsinnaanngikkallarput. Politiit oqarasuaammut 70 14 48-mut attavigineqarsinnaapput.
- Politiit angutip sumiissimaneranik paasiniaanerminnik ikiorneqarnissartik neriuutigalugu angutip aqqa siammarterpaat. Politiit pingaartumik inunnit Dine Qeqep tallimanngornermi okotobarip qulingata arfininngornerullu oktobarip 11-ata akornanni sumiissimaneranik ilisimannittunit attaveqarfigineqarusupput, politiit tusagassiuutinut nalunaarummi allapput.
