Assi: Selvstyret

Vittus kinamiunik qaaqqusivoq

Som afslutning på Naalakkersuisuts besøg i Kina var naalakkersuisoq Vittus Qujaukitsoq vært for et grønlands-event på den danske ambassade i Beijing.

Inuussutissarsiornermut, Suliffeqarnermut, Niuernermut Nunanullu allanut tunngasunut naalakkersuisup Vittus Qujaukitsup Kinamut tikeraarnini naggaserlugu Danmarkip Beijingimi aallartitaqarfiani Kalaallit Nunaannit tikeraartut aaqqissuussineranut qaaqqusivoq.

Aamma atuaruk Kalaallit Nunaat Kinami

Inuit 100-t missaanniittut qaaqqusinermi takkupput, Naalakkersuisullu takornariaqarnermut tunngasunut pilersaarusiassaat, Kalaallit Nunaat tikeraarfissatut saqqummiunneqarnera, nerisassaatigullu pissanganaqisut tassani misigitinneqarlutik.

Kinamiut angalatitsivinneersut tusagassiortullu Kalaallit Nunaannut Issittumullu immikkut soqutigisallit qaaqqusinermut peqataapput. Aaqqissuussinerlu naggaserlugu Great Greenlandip puisit amiinit atisaliai kingulliit, Royal Greenlandillu immameersunik nerisassiai ulloqeqqasiutigineqarput.

Aamma atuaruk Great Greenlandip Kina naatsorsuutigaa

- Nuannaarutigaara Kinami aaqqissuussisarnerit uteqqiasut Kinamiunut pulaartunut tuniniaanernik isumaqatigiittoqarneranik kinguneqarmata, Inuussutissarsiornermut Naalakkersuisoq Vittus Qujaukitsoq oqarpoq, nangillunilu:

- Kalaallit Nunaanni periarfissanut malunnartumik soqutiginninneq maanna pisumi soqutigineqaqaat. Ilimagilluinnarparalu tamanna annertuumik ingerlatsisoqalernissaanut aallarniutaasoraara, Vittus Qujakitsoq oqarpoq.

Aamma atuaruk Kinami biilinik misileraasarfik isumassarsiorfigigaat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl