Kinami biilinik misileraasarfik isumassarsiorfigigaat
Taanna maannakkorpiaq Kinamiippoq, angalaninilu aallarnerlugu Kinap avannaani biilinik ukiukkut misileraasarfiit marluk tikeraarsimallugit.
- Kalaallit Nunaani biilinik misileraasarfeqarnissamut tunngatillugu periarfissat pissanganartorujussuupput, aammalu periarfissat taakkua erseqqinnerusumik takorusullugit Kinamiippugut, Vittus Qujaukitsoq tusagassiorfinnut nalunaarummi taama oqarpoq.
AAMMA ATUARUK Kangerlussuaq biilinik misileraavittut atoqqinneqalersoq
Biilinik misileraasarfiit marluusut, ATM-imit BOSCH-imillu pigineqartut, illoqarfimmi Yakeshimi Ruslandip Mongoliallu killeqarfiinut 300 kilometerinik ungasissusilimmi inissisimapput. Kangerlussuarlu assingalugu piffissani sivisoorujussuarni sila unerisimalluni nillertarpoq.
Yakeshi aasaanerani takornariarneqangaatsiartarpoq, ATM-illi misileraasarfimmik pilersitsinissaa tikillugu ukiukkut tikeraartoqanngingajavittarsimalluni. Tamanna maannakkut allanngorsimavoq, taamaalilluni akunnittarfiit aamma timmisartuutileqatigiiffiit ukiukkut aamma suliassaqarlualersimallutik.
Læs også Borgmesteri isumalluartoq
Nunatsinni taamatut suliaqartoqalerneratigut ukiup taamaalinerani taamaallaat killilimmik takornariartoqartaraluartoq nutaanik sammisassaqartitsilersinnaassaaq.
Angalaqatigiit Beijingimut ingerlaqqissapput, tassani ulluni tulliuttuni suliffeqarfinnik aningaasaliisarfinnillu ataatsimeeqateqassallutik, aammattaaq Danmarkip Beijingimi aallartitaqarfiani tuniniaanissamik nittarsaassilluni saqqummiisoqassaaq.