Naalakkersuisut ikinnerussuteqartut Partii Naleqqap tapersersornianngikkai
Ikinnerussuteqarluni naalakkersuisooqatigiittoqarnissaa Pele Brobergip qularnartoqartippaa.
Politikkikkut patajaassusermik nunatta pisariaqartitaanik pilersitsisinnaassasorinngilaa.
Demokraatit Siumup naalakkersuisooqatiginissaanik isumaqatigiinniarnerit peqataaffigiunnaaraallu taama oqarpoq.
Partii Naleraq ikinnerussuteqarluni naalakkersuisooqatiginnut taperserusunnersoq aperineqarami akivoq kisermaassilluni naalakkersuinissaq qulaaniillu aqutsinissaq pinnagit atituumik suleqatigiinnissaq anguniarneqartariaqartoq, ikinnerussuteqarlunilu naalakkersuisooqatigiit tamanna angusinnaanngikkaat isumaqarpoq.
AAMMA ATUARUK Atassutip naalakkersuisooqataaginnassanerluni isumaliutigigaa
Partiimili tatiginnikkunnaarnermik taasititsinissamik sapaatit akunnerata tulliani saqqummiussissanersoq Pele Brobergip isummerfigerusunngilaa.
- Ataatsimiittoqassanersorluunniimmi naluarput, taama oqarpoq.
Partii Naleqqap qaammatini sisamaannarni naalakkersuisooqataareerluni mittarfiliortiternerit aningaasalersorneqarnissaat isumaqatiginagu septembarip qulingiluaani naalakkersuisooqatigiinnit tunuarnera pissutigalugu Kim Kielsen amerlanerussuteqarunnaarpoq.
AAMMA ATUARUK Demokraatit naalakkersuisooqatigiinnissamut itigartitsipput Kielsenili tapersersorlugu
