Atassutip naalakkersuisooqataaginnassanerluni isumaliutigigaa
Partiimi naalakkersuisooqataasumi Atassummi tallimanngornermi nal. 13 ataatsimiittoqarpoq. Demokraatit tapersersugaannik ikinnerussuteqarluni naalakkersuisooqatigiinnissaq peqataaffigissanerlugu ataatsimiinnermi isumaliutigaat. Suli aalajangertoqanngilaq, siulittaasoq Siverth K. Heilmann oqarpoq.
Allattoq Kenneth Elkjær, Nûno Isbosethsen
septembarip 28-at 2018 13:18
Nutserisoq Simon Uldum
- Atassut naalakkersuisooqatigiinnut peqataaginnassanersoq oqaatigisinnaanngilara. Maanna ataatsimiilerpugut, Siverth K. Heilmann parteeqatini ataatsimeeqatigiartorlugit oqarpoq.
Ataatsimiinnissarlu sioqqullugu Atassummi qularneq pioreerpoq.
- Ikinnerussuteqarluni naalakkersuisooqatigiinnissaq kissaatiginatigu Atassummi gruppitsinni oqaloqatigiissutigereerparput, Siverth K. Heilmann oqarpoq, Demokraatillu Inatsisartuni tapersersortigalugit Siumup, Atassutip Nunatta Qitornaasalu naalakkersuisooqatigiinnissaannut periarfissaq ammatippaa.
Partiit pingasuusut tallimanngornermi ualikkut ataatsimeeqatigiissapput.
