USA-p kunngeqarfiullu Pituffimmi kiffartuussinissamik isumaqatigiissut oqallisigigaat
USA-p kunngeqarfiullu Danmarkip kiffartuussinissamik isumaqatigiissut oqallisigisaraat, USA-p illersornissaqarfimmut ministereqarfia paasissutissiivoq.
- Kunngeqarfiup Danmarkip USA-llu akornanni maanna oqallisigineqarpoq. Oqallinnerit naammassippata, U.S. Airforcep Pituffimmi sakkutooqarfimmut kiffartuussinissamik isumaqatigiissutip pissarsiarineqarnissaanut suliaq nutaaq, USA-p inatsisaanut politikkiinullu naapertuuttumik aallartissavaa, Pentagonimi oqaaseqartartoq oberstløjtnant Carla Gleason KNR-imut allappoq.
AAMMA ATUARUK USA-mik suleqateqarneq uummarissaqqinneqarsinnaavoq
Isumaqatigiissutilli qaqugu suliariumannittuussarsiuunneqarnissaa suli piffissaliunneqanngitsoq Pentagon allappoq.
- Anguniagassatut pilersaarusiornissaq maanna siusippallaarpoq, Carla Gleason allappoq.
Amerikamiut ingerlatseqatigiiffiannik Vectrus Servicesimik maanna isumaqatigiissut 2024-mi atorunnaassaaq.
Vectrus Servicesip Pituffimmi aserfallatsaaliuinermut ingerlatsinermullu isumaqatigiissut 2014-imi atsiorpaa.
AAMMA ATUARUK Greenland Contractors Pituffimmi sullissiunnaassaaq
Illersornissamut isumaqatigiissut naapertorlugu isumaqatigiissut danskit kalaallillu ingerlatseqatigiiffiutaannit isumagineqartussaagaluarpoq, Greenland Contractorsimiillu ukiuni 46-ni siuliini isumagineqaraluarluni.
Vectrusilli ingerlatseqatigiiffimmik aningaasartaqanngitsumik Danmarkimi nalunaarsorneqartumik siusinnerusukkut pilersitsisimagami nunatsinnit Danmarkimiillu akerliusoqartorujussuugaluartoq isumaqatigiissut 2017-imi tiguaa.
Vectrusimik isumaqatigiissut taanna katillugu milliardinik marlussunnik naleqarpoq, Greenland Contractorsimiilli akikinnerulluni.
AAMMA ATUARUK Kiffartuussinissamik isumaqatigiissutip nutaap aningaasartuutivut affaannanngortippai
Nunattalu karsiata ukiumut 200 milliuunit koruuninik annaasaqartarsinnaanera pillugu ernumalluni aningaasaqarnermut siunnersuisoqatigiit siulittaasuat, Torben M. Andersen, 2014-imi oqarpoq.
Taamalu amerlatigisut missaanniittut annaaneqartartut, Greenland Holdingip pisortaa, Karsten Høy oqarpoq.
Greenland Holding Greenland Contractorsimik piginneqataavoq.
AAMMA ATUARUK Carla Sands isumaqatigiissut pillugu: Kalaallit Nunaat USA-mut saniliussaaq nukittooq
USA-miut nunatsinni maanna nuannarineqalerniarput, USA-llu Danmarkimut aallartitaa, Carla Sands, Pituffimmi isumaqatigiissut suli oqaluuserineqartartoq, nunatsinni 83 milliuunit koruuninik aningaasaliinermut atatillugu tusagassiortunik qaammatip siuliani katersortitsigami oqarpoq.00:02:51
- Pituffimmi kiffartuussinissamik isumaqatigiissut kalaallinut ilungersunartoq paasivara. Naapeqatigigaangakkit tamanna oqaatigisarpaat, Carla Sands oqarpoq.
