Kulturi

M/S Hans Hedtoft pillugu saqqummersitsineq: Umiarsuaq nanineqassaaq

Nunatta Titanicia. Umiarsuaq kivisinnaanngitsutut nalilerneqaraluartoq. Narsap Katersugaasivia Hans Hedtoftip januaarip 30-ani 1959-imi umiunera pillugu nutaarluinnarmik saqqummersitsivoq
Umiarsuup M/S Hans Hedtoftip januaarip 13-iani 1959-imi Qaqortumut tikinnerani assilisat. Assi © : Narsaq Museum
Umiarsuup M/S Hans Hedtoftip januaarip 13-iani 1959-imi Qaqortumut tikinnerani assilisat. Assi © : Narsaq Museum
Umiarsuup M/S Hans Hedtoftip januaarip 13-iani 1959-imi Qaqortumut tikinnerani assilisat. Assi © : Narsaq Museum
Umiarsuup M/S Hans Hedtoftip januaarip 13-iani 1959-imi Qaqortumut tikinnerani assilisat. Assi © : Narsaq Museum
Umiarsuup M/S Hans Hedtoftip januaarip 13-iani 1959-imi Qaqortumut tikinnerani assilisat. Assi © : Narsaq Museum
Umiarsuup M/S Hans Hedtoftip januaarip 13-iani 1959-imi Qaqortumut tikinnerani assilisat. Assi © : Narsaq Museum
Allattoq Paninnguaq Steenholdt
septembarip 07-at 2018 13:23

Oqallinnermik pilersitserusulluni qimagaasullu ikiorserniarlugit umiarsuaq nanineqassasoq, saqqummersitsinermi aaqqissuisup anguniagaraa. 

-Saammaateqatigiinneq Kalaallit Nunaanni oqallisaasorujussuuvoq. Isumaqarpungalu saqqummersitsineq inuit qimagaasimasut ingerlariaqqinnissaannut ikiuutaalluarsinnaasoq. Soorlu periarfeerunneqarfianut eqqaaniutinik nigalilianik ilisiartorsinnaanngorniassammata, Narsami katersugaasivimmi aqutsisoq saqqummersitsinermilu aaqqissuisoq Jesper Stormly Enevoldsen oqarpoq. 

AAMMA ATUARUK Umiarsuup Hans Hedtoftip umiiarneranit ukiut 55-it ullumi qaangiussimalerput

Nunatta Titanicia

Umiarsuaq M/S "Hans Hedtoft" 95-inik ilaasoqarluni Nunap Isuata sineriaata kujataani 1959-imi siullermeerluni angalanermini umiuvoq, tassani kalaallit tusamaasat soorlu Augo Lynge Carl Egedelu ajunaartunut ilaallutik.

Ministeriuneq Hans Hedtoft atsiullugu umiarsuaq taama atserneqarpoq. Ministeriuneq nunatsinni suliffissualersuinermi suliniuteqartut siulliit ilagaat.

Ukiukkut nunatsinni pilersuinerup isumannaannerulernissaa anguniarlugu umiarsuliortoqaraluarpoq. 

AAMMA ATUARUK Hedtoftip umiiarnera politikkikkut mamminanartuliatut taagorneqalerpoq

Januaarip unnuaani taartumi umiarsuup periarfeerunneqarnerani ilaasunut ulloq qanoq isikkoqarsimanersoq saqqummersitsinermi takutinniarneqarpoq.

- Ilaasut misigissusaat takutinniarpara, soorlu innaallagissap qaminnerani, mallit umiarsuarnut kalluussaappalunneranni umiarsuullu immakkiartornerani. Aamma motoori dieselitortoq unimmat orsussap tikka naamalersimassavaat. Ilaasut ersisimassaqaat, immaqa ilai timimikkut innarlersimassapput. Tamakkua tamaasa saqqummersitsinermi takutinniarsaraakka, Jesper Enevoldsen oqarpoq. 

Puttaqut Islandimut tipisoq

Umiarsuup sooq kivisimanera paasineqarnikuunngilaq. "Hans Hedtoft"-iminngaanniit nassaarineqartoq tassatuaavoq, puttaqut, qaammatit arfineq pingasut missaat qaangiummata Islandimut tipisoq. 

Umiarsuaq kivimmat nunarput annaasaqangaatsiarpoq:

- Siullertut inuppassuit asasatik qanigisatillu annaavaat. Aappaattullu kulturikkut kingornussat amerlasuut annaaneqarput. Assersuutigalugu oqaluffimminngaanniit allagaaterpassuit iluarsaanniarlugit Danmarkimut katersugaasiviliaanneqaraluartut aamma annaavagut, Katersugaasivimmi aqutsisoq oqarpoq.

AAMMA ATUARUK Atorfilittap eqqaamasalersaarutai

Umiarsuaq Hans Hedtoft arlaleriarluni ujarneqartaraluarpoq, nanineqaranili. 

Saqqummersitsineq Nuummi katersugaasivimmi oktobarip tungaanut alakkarneqarsinnaavoq. 

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk