Umiarsuup Hans Hedtoftip umiiarneranit ukiut 55-it ullumi qaangiussimalerput
Hans Hedtoft Danmarkimit Nunatsinnut januaarip qaammataani 1959-imi siullerpaamik angalareerluni, Danmarkimut utertilluni umiiarpoq ilaasullu tamarmik ajunaarlutik.
![](/sites/default/files/styles/image_934x467/public/article_images/groenlandsskibet_hans_hedtoft.jpg?itok=Oa2NYQ_v)
Allattoq Peter Troelsen, Simon Uldum
Umiarsuaq angalanermi ulluata aappaani Nunap Isuata kujataatungaani ilulissamut aporpoq. Ajunaalerneq kalerrisaarutigineqaraluartoq annaassiniartut suli apuutinngitsut umiarsuaq kivivoq. Umiarsuup ilaasorisai 95-it tamakkerlutik ajunaarput, umiarsuarmillu nassaarineqartutuaasoq tassavoq puttaqut.
Ajunaarsimasut eqqaaniarlugit ajunaartut aqqisa allattorsimaffiat kiisalu puttaqut nassaarineqartoq Qaqortup oqaluffiani nivingapput. Aammattaaq ajunaarsimasut eqqaaniarlugit aqqisa allattorsimaffii Nanortalimmi Københavinimilu Nordatlantens Bryggemi nivingasuutigineqarput.