Atorfilittap eqqaamasalersaarutai
Claus Bornemann ukiuni 28-ini Kalaallit Nunaanni atorfilittatut sulisimavoq. Piffissami Bornemannip Kalaallit Nunaanniinnerani nunamut innuttaasuinullu allannguutit annertuut pisimapput. Kalaallit Nunaanni piffissami 1951-imit 1979-imut najugaqarsimanini atuakkiamini oqaluttuaraa.
Atuagaq quianartumik Kalaallit Nunaannillu ilisimasaqarluartumik allataavoq, Bornemannillu ilaquttaatalu Kalaallit Nunaanni najugaqarneranni pisut pingaarutillit amerlasuut sammineqarlutik. Thulemi atomimik qaartartuliamik ajutoorneq, Hans Hedtoftip umiuinera Namminersornerullunilu Oqartussaanerup eqqunneqarnera, atuakkami sammineqartut ilaminiinnannguaraat.
Atuakkamik saqqummersitsineq pingasunngornermi decembarip tallimaani nal. 14-ip 16-illu akornanni ilasseqatigiinnermi pissaaq, Det Grønlandske Selskab Strandgade 102 2. sal, 1401 København K.
Atuakkamit tigulaagaq ataani atuarsinnaavat.
»Peter Freuchen taamani USA-mi najugaqarpoq, imavissuillu arfineq-marluusut pillugit fjernsynikkut nalorsitsaarinermi ajugaalluni 65.000 dollarsinik akissarsitinneqarami nuna tamakkerlugu tusaamasanngorpoq. New Yorkimi FN-ip illorsuanut pulaallattaasarpoq, tassanimi politikerit siuttuusut nunanit tamalaaneersut amerlasuut ilisarisimagamigit. Ulloq taanna arlallit eqqartorpagut, inuusuttuulluni Knud Rasmussenip Thulemeeqatiginera, nunarsuarmi naalakkersuinikkut pissutsit aammalu Lollandimi akimarngit akornanni atoqatigiinnermut tunngasut. Taamaallunilu ilumoorsaalerpoq. »Toquguma, arsakka pilluarnerpaaffigisanni Thulemi siaruarterneqassapput.« Ilisimaneqareersutut 1957-imi toqummat kissaataa naammassineqarpoq. Kingorna, nuliara Nuummut tikereersoq, issittumi paasisassarsiortorsuup naapisimaaqatigisimaneranik oqaluttuuppara, isertornangalu oqaluttuuppara sumi suliffigisami arsakut siaruarterneqarnissaannik eqqarsaat assut nuannaralugu.»Taamaalluarsinnaavoq«, nuliara akivoq, »uanga igaffiup kuuffiatigut kuutsiinnaringa!«
Det Grønlandske Selskab pillugu annertunerusumik uani paasisaqarsinnaavutit: http://www.groenlandselskab.dk/index.php?page=kalender
