Hedtoftip umiiarnera politikkikkut mamminanartuliatut taagorneqalerpoq

Hans Hedtoftip 1959-imi umiiarnera oqaluttuarisaanermi qallunaani politikkikkut kanngunartuliat annersaannik aallartitsivoq. Taama isumaqarpoq politikkikkut oqaaseqartartoq Hans Engell. Ekstra Bladimi nangeqattaartumik sapaatip akunnerani uani politikkikkut kanngunartulianik annerpaanik tallimanik allaaserinneqattaartoq.
Allattoq mlk
juulip 02-at 2013 11:57

Hans Engell naapertorlugu Hedtoftip umiiarnera inuiaqatigiinnut alianaannanngilaq, aammali politikkikkut ministerit akisussaaffii pillugit politikkikkut assortuunnerit annersaannik aallartitsisuusoq.

Folketingimut ilaasortaq Augo Lynge umiiartunut 95-inut ilaavoq. Taassuma  Kalaallit Nunaanni ukiukkut umiarsuakkut angallassisarnerit isornartorsimavai. Taamani Kalaallit Nunaannut ministeriusoq Johannes Kjærbøl apeqquteqarfigisimavaa umiarsuit ilaasunik ulikkaartut ukiukkut nunatsinni angalasarnerat illersorneqarsinnaanersoq. Kjærbøl akissuteqarnermini asissuerpalaarluni Augo Lynge kalaaliunerarpaa umiartortilluni merianngusartuunerarlugu, aviisi Ekstra Bladet allaaserisaqarpoq.

Kingusinnerusukkut paasineqarpoq, umiarsuit ukiukkut angalasarnissaannut umiarsuit naalagaat taperserssuinissaannik Kjærbøl-imit kimigiiiserfigineqarsimasut.

Hans Hedtoft-ip umiiarnera pillugu rigsret-imut unnerluussisoqarnissaq politik-ikkut piumasaqaataagaluartoq, ministerit akisussaaffii pillugit inatsisiliornissaq aqqutissiuunneqaannarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk