Ukaleq Slettemark inuusuttut nunarsuarmi pissartanngorniunneranni peqataalersoq

Kalaaleq 17-inik ukiulik sisoraaserluni ooqattaasartartoq Ukaleq Slettemark, inuusuttut nunarsuarmi siorna januaarip naalernerani Slovakiami pissartanngorniunneranni kuultinnammat, nunatsinni oqallisigineqangaatsiarpoq.
Ukaleq Slettemark unammiuaarnerni unammiffissami siullermi peqataassagunanngilaq, tassa isortartussutsimi siorna nunarsuarmi pissartanngorfimmini peqataasussaagunarnarni. Assi © : KNR
Allattoq Karsten Sommer
januaarip 23-at 2020 14:35
Nutserisoq Mads Lynge

Inuusuttut Schweizimi Lenzerheidemi nunarsuarmi sapaatiuppat pissartanngorniussapput, Ukaleq Slettemarkilu kingumut peqataaqqissalluni. Ukalerli nunarsuarmi pissartanngoqqinnissaa Kalaallit Nunaata ukioq manna ilimagivallaassanngilaa.

Arnaata Uiloq Slettemarkip, Facebookimi tamanna allaaseraa:

- Qaammat ataaseq napparsimareerluni Ukaleq pitsanngoriartorpoq, imalu pitsanngortigaaq sungiusaqqissinnaalerluni. Inuusuttulli nunarsuarmi pissartanngorniunnissaannut immaqa kingusinaalaarpoq, Uiloq Slettemark Facebookikkut allappoq.

- Taamaattoq aqagu Lenzerheideliarnissarput isumaqatigiissutigaarput, Ukaleq Youth VM-imi peqataassalluni. Angusaqarluarnissaali ilimagivallaassanngilarput, Ukaleq Slettemarkip arnaa Facebookikkut taama ilaatigut allappoq.

AAMMA ATUARUK Ukaleq Slettemark nersorneqartoq

Ukalerlu unammiuaarnerni unammiffissami siullermi peqataassagunanngilaq, tassa isortartussutsimi siorna nunarsuarmi pissartanngorfimmini peqataasussaagunarnarni.

- Timersortartuunerup silarsuaa tassa taamaappoq, ingerlalluartoqarlunilu ilaatigut ingerlanerliortoqartarpoq, Uiloq Slettemark oqarpoq, nangillunilu:

- Isumagissaarluta angalassaagit, nuannersumillu misigisaqarnissarput neriuutigalugu, Ukalerlu napparsimanikuunera eqqarsaatigalugu sapinngisani tamaat sukataanissaa naatsorsuutigaarput, Uiloq Slettemark oqarpoq.