Tyrkia piumasaqaateqarfiginiarpaat
Tyrkiap EU-mut ilaasortaalernissaanut isumaqatigiinniutissat katillutik 34-upput, isumaqatigiinniutigineqartussallu sinneruttut arfineq-pingasuusut unitsikkallarneqarnissaat ilimagineqarpoq.
Tyrkia naalagaaffittut pillaatinik iliuuseqarfigineqassanersoq nunat EU-mi ilaasortaasut suli nalornisigivaat.
Tyrkiap EU-mut ilaasortanngornissaanut isumaqatigiinniutissat 34-iusuni arfineq-pingasut atorunnaarallartinneqassasut, EU-mi nunat assigiinngitsut nunanut allanut ministeriinit aalajangerneqarpoq.
EU-mi diplomatit ilaat atersineqanngitsoq franskit nutaarsiassaqartitsiviannut AFP-mut oqarsimaneragaavoq.
EU-p Tyrkiamut allagaqaateqarnikkut Tyrkiap Cypernimut atassuteqaateqarnini iluarsiiffigisariaqarai, Cypernip Grækenlandimut atasortaani nunanut allanut ministerip piumasarisimavaa. EU-mi diplomatiusoq Ritzau-imut oqarpoq.
