Politikki

Tusagassiuut: Aleqa Hammond akileraartartut aningaasaataannik atornerlueqqittoq

Aleqa Hammondip Folketingimi ilaasortaanerminut atatillugu kreditkorterisani atorlugu 13.000 koruunit nalinginut imminut pisiortorsimasivoq, e-mailimi tamanna atuarneqarsinnaavoq.

Allattoq Ritzau

aggustip 21-at 2016 08:03

Nutserisoq Simon Uldum -

Naalakkersuisut siulittaasorimasaat Aleqa Hammond akileraartartut aningaasaataannik atornerlueqqippoq. Ekstra Bladet ullumi sapaammi taama allaaserisaqarpoq.

Kontup imarisaata allattorsimaffia naapertorlugu, Hammond, Siumut sinnerlugu Folketingimut ilaasortaasoq, Folketingimut ilaasortaanerminut atatillugu kreditkorterisani atorlugu ukioq manna piffissami juunip 18-ianit juulip 11-inut katillugit 12.983,10 koruunit nalinginut imminut pisiortorsimavoq.

Folketingip allattoqarfiata Aleqa Hammondillu akornanni e-mailikkut allaqatigiinnermi, Ekstra Bladet pissarsiarisimasaani, tamanna atuarneqarsinnaavoq.

- Aningaasaqarnera oqaaseqarfigerusunngilara, Aleqa Hammond aviisimut oqarpoq, aningaasallu utertissimanerlugit aperineqarami aamma tamanna akiumanagu.

Kreditkorti Folketingimut angalanermut malittarisassai malillugit angalanermut atatillugu kiffartuussinernik pisinermut taamaallaat atoqqusaavoq, soorlu ataatsimiinnermut atatilugu taxanut timmisartornermullu.

Taamaakkaluartoq Aleqa Hammond ilaatigut atortussaarniarfimmi 3.500 koruunit, Brugsenimi 1389 koruunit timersornermullu atortussaarniarfimmi 1.697 koruunit atorsimavai.

Taamatut pisiniarnera Nuummi, Aleqa Hammondimut najugaqarfigisaani pivoq.

Aamma atuaruk Qulaarpaa Uppernarsaatit: Akisunermi angalanerit, nerinerit unnuakkullu barimiinnerit

Naalakkersuisut siulittaasorisimasaat Bornholmimi ukioq manna qassimiuaartoqarmat Folketingimit kreditkorterisani atorlugu Nordeami 2.000 koruuninik aamma tigusisimavoq.

Aningaasanik taamatut atuisoqarnera Christiansborgip allattoqarfiani tupigusuutigineqarpoq.

- Nammineq korterisat atornagu Folketingimit kreditkorterisat imminut pisiortornermut atortoorsimagunarpat, Folketingimiimmi kreditkorterisat atorlugu aningaasanik atuingaatsiarsimagavit, e-mailimi Ekstra Bladetip pissarsiarisimasaani tamanna atuarneqarsinnaavoq.

- Imminut atorsimasannut innersuussillunga akiliutigineqarsimasut ataanut ilannguppakka, taakku ilanngaatigisariaqassavagut. Aningaasat katillugit 12.983,00 koruunit pineqarput, allattoqarfik Hammondimut taama allappoq.

Aleqa Hammond 2013-imi apriilip qaammataani naalakkersuisunut siulittaasunngorpoq. Taamani Inatsisartunut qinersinermi taaguunneqarnerpaalluni.

2014-imili qinigaaffimminit tunuarpoq, pisortat aningaasaataannik 100.000 koruuninit amerlanerusunik atornerluisimanera paasineqarmat.

Kanngunartuliornerata kingunerisaanik Inatsisartunut kingorna qinersinissaq suaartutigineqarpoq. Aleqa Hammond qinigassanngorteqqinngilaq.

/ritzau/

ALEQA HAMMONDIP ATORNERLUISIMANERA PILLUGU ALLAASERISAT

AAMMA ATUARUK Kuupik: Pisup taamatut kinguneqartinnissaa pissusissamisuuinnarpoq

AAMMA ATUARUK Kuupik V. Kleist Inatsisartunit tunuarniuteqarpoq

AAMMA ATUARUK Naalakkersuisunik allannguinerit pingajussaat

AAMMA ATUARUK Illuatungiliuttut: Aleqap atornerluisimanera Inatsisartut oqaluuserisariaqarpaat

AAMMA ATUARUK Immikkut ilisimasalik: Jeremiassen marlunngorpat aalajangiisuussaaq

AAMMA ATUARUK Krusep akiligassaqarsimaneq ”akueriumanngilaa”

AAMMA ATUARUK Aleqa Hammondimik tatiginnikkunnaarnermik ersersitsisoqarnissaa Kristian Jeremiassenip siulittuutigaa