Tunumi meeqqat inersimasullu tuberkuloseqalersartut amerliartuinnarput.
Tasiilami Kuummiunilu meeqqat 7 procentii tuberkuloseqarput, kisitsillu taanna nunanut piitsunut naleqqiutissagaanni annertuneruvoq.
Tuberkuloseqalersartut ikilisarneqarnissaat anguniarlugu Danmarks Lungeforening sapaatip akunnerata tulliani Nuummukartitsiniarpoq, peqqinnissaqarfik suleqatiserineqarniarluni.
- Inuit tuberkuloseqartut ingerlaannaq katsorsarneqartarput, tunillaassuisorli kinaanersoq ilisimaneqartarani, taamaammat inuit tuberkuloseqartut nassaassaajuarput, Danmarks Lungeforeningip pisortaa Charlotte Fuglsang nutaarsiassaqartitsivimmut Ritzau-imut oqarpoq.
Tuberkuloseqartut 100-t nunatsinni siorna nassaarineqarput, Namminersornerullutillu Oqartussat ukioq 2010-mi anguniagaat, tassa tuberkuloseqartut nassaarineqartartut ukiumut amerlanerpaamik tallimaaginnartarnissaat ajornakusuussasoq, Danmarks Lungeforening oqarpoq.