Tuaviuussamik inatsisinik suliaqartarneq ernummatigineqartoq
Piffissaliussaq taama sivikitsigimmat annilaangatigaarput piareersarneq naammannersoq isumannaatsumillu naammassisaqarnissamut naleqqunnersoq, Anita Hoffer, kattuffimmi siulittaasuusoq oqarpoq.
Assersuutigalugu aningaasarsianit akileraarutit pillugit inatsit ullut arfinillit ingerlanerinnaani Inatsisartut suliaraat. Politikkip iluani sulinermini aatsaat taama torinngitsigisumik nalaataqarluni, Nivi Olsenip Demokraatineersup oqaatigaa:
- Puullaaqinarpoq aamma piffissaq eqqorlugu inatsisissat angisuut tunniunneqartarmata tuaviusukaaginnaq, paasiniarnissaannut itisilersinnaanatigit periarfissaqaratalu sulivugut, Nivi Olsen KNR-imut oqarpoq.
AAMMA ATUARUK Mittarfiit aningaasalersornissaannut inatsit tuaviiussaq
Partii Naleqqameersoq Hans Enoksen isumaqataavoq. Siunissamilu suleriaaseq pitsaaneq neriuutigaa:
- Ataatsimiinneq Inatsisartunut ilaasortanut Naalakkersuisunullu pappiararpassuit taakku annerusumik piffissaqarfigalugit taavalu partiit akunnerminni oqaloqatigiittarneri minnerunngitsumillu susassaqartut innuttaasut kattuffiillt allallu oqaluunnissaannut periarfissat killeqartorujussuanngornikuupput ataatsimiinnneq sukangavallaarmat taana siunissami pitsaanerusariaqarpoq, Hans Enoksen oqarpoq.
AAMMA ATUARUK Inatsit tuaviortup mittarfiit aningaasalerneqarnissaat qulakkiissagaa
Tamat oqartussaaqataaneranut sunniuteqartoq
Tuaviuussamik suleriuseq tamat oqartussaaqataaneranut amerlasuutigut sunniuteqarsinnaasoq innuttaasullu eqqummaariffgisariaqaraat, Anita Hofferip oqaatigaa:
- Innuttaasut annilaangassuteqartariaqarput, politikkip iluani suleriutsip eqqortumik ingerlanneqarnera eqqumaffigisariaqarpaat. Tamannami aamma innuttaasunut attuumassuteqarmat, inatsisit eqqartorneqartut Kalaallit Nunannut tunngasuummata.
Naalakkersuisunut ilaasortat Kim Kielsen Sara Olsvigiluunniit apersorneqarumanngillat.
AAMMA ATUARUK Inatsit tuaviuussaq tusarniaassutigineqassasoq
AAMMA ATUARUK Sermersuup inatsit tuaviuussaq 135 millionit koruuninik naleqarsinnaanera ernummatigaa
AAMMA ATUARUK Ataatsimiititaliap Naalakkersuisut inatsisaat tuaviuussaq avoqqaaralugulu akuerigaa