Mittarfiit aningaasalersornissaannut inatsit tuaviiussaq
Inatsisissatut siunnersuummut Demokraatit, aamma attaviitsoq Michael Rosing kiisalu Per Rosing Petersen isumaqataanatik itigartitsipput.
Taamaalillutik Naalakkersuisut Nuummi Ilulissanilu mittarfiit tallineqarnisaanut Qaqortumilu nutaamik mittarfiliornissap aningaasalersorneqarnissaannut qulakkeerinnipput.
Inatsisissatut siunnersuut sapaatip akunnera ataaseq sinnilaaginnarlugu suliarineqarpoq, tassanilu assigiinngitsut marluk qulakkeerneqarput.
Mittarfiit suliarineqarneranni sulisartut avataaniit tikisinneqartut akissarsiaannit akileraarutit nunatta karsianut nakkartinneqartassapput, kommunenut akileraartoqartassanani.
AAMMA ATUARUK Inatsit tuaviortup mittarfiit aningaasalerneqarnissaat qulakkiissagaa
Soraarnerussutisisarfimmi PFA Sorarnermi katersorneqartut, Kalaallit Nunaata avataannut nuunneqarsinnaanerat inatsisissatut siunnersuummi qulakkeerneqarpoq.
Taamaalillutik Naalakkersuisut 200 aamma 400 million kr-nit akornanni isertitaqassapput.
Inatsisissatut allannguutinit marlunnit taakkunannga isertinneqartussat Kalaallit Airportimut tutsinneqassapput, timmisartunut mittarfiit aningaasalersorneqarnerinut atorneqassapput, taakkualu 3,6 milliarder kr-nik akeqarnissaat naatsorsuutigineqarpoq.
AAMMA ATUARUK Inatsit tuaviuussaq tusarniaassutigineqassasoq
AAMMA ATUARUK Sermersuup inatsit tuaviuussaq 135 millionit koruuninik naleqarsinnaanera ernummatigaa
AAMMA ATUARUK Ataatsimiititaliap Naalakkersuisut inatsisaat tuaviuussaq avoqqaaralugulu akuerigaa