Kulturi

Timersornermik maligassiuisut nersorneqartut

Maligassiuisut Showimi Nuummi kulturikkut illorsuarmi katuami arfininngornermi unnukkut aaqqissorneqartumi timersortartunik nersornaasiisoqarpoq akissarsisitsisoqarlunilu. Aaqqissuussineq Elite Sport Greenland aamma Peqqissutsimut Naalakkersuisoqarfik suleqatigiillutik tallimassaanik ingerlanneqarpoq.
Maligassiuisut ilisaritinneqarneranni saqqummiisuupput Maren-Louise Poulsen aamma Angajo Lennert Sandgreen. Assi © : GIF/Emil Stach
New Zealanimit tikeraat qitinnermik hakamik nunatsinni isiginnaartitsisartut peqatigalugit takutitsipput. Assi © : GIF/Emil Stach
Maligassiuisut aallakaatineqarneranni nersornaasiisoqarpoq alikkusersuisoqarlunilu. Assi © : GIF/Emil Stach
Mikie Thomsen aamma Adam Kjeldsen aliikkusersuipput. Assi © : GIF/Emil Stach
Sulorartartut Sequssuna Fleischer Schmidt, Jens-Frederik Nielsen aamma Frederik Elsner. Assi © : GIF/Emil Stach
Ukiormanna iligiillammaat sulorartartut Islands Gamesimi guldtinnattut Assi © : GIF/Emil Stach
Hakamik qitittartut New Zealandimeersut Assi © : GIF/Emil Stach
Qitittartut Qiajukmeersut aamma isiginaartitsipput Assi © : GIF/Emil Stach
Operamik erinarsortartoq Josef Josefsen Nick Poulsenilu Assi © : GIF/Emil Stach
Ukiormanna timersullammattut toqqagaasoq Naaja Lyberth Assi © : GIF/Emil Stach
Allattoq Merete Lindstrøm
novembarip 17-at 2019 18:51
Nutserisoq Jaaku Lyberth

Elite Sport Greenland timersornermik takutitsilluarnerpaamik  kiisalu piukkunnaatilinnik Ineriartortitsisunik nersornaasiivoq.  

Nersornaasiinerit tamarmik Elite Sport Greenlandip naleqartitaannut angusaqarsimasunut tunniunneqarput: Nukittussuseqarnermik angusaqarusussuseqarnermik ineriartortitsinermillu angusaqarsimasunut tunniunneqarput.

Ukiup timersullaammaatut Ukaleq Slettemark toqqarneqarpoq junior VM-imi 10 kilometerimik ujakkaarluni guldinnannera pissutigalugu.

Piginnaasanik ineriartortitsisimasutut nersornaaserneqarpoq arnat assammik arsaallutik nunanut allanut unammisartuisa sungiusaasuat Johannes Groth.

Faxe Kondip aningaasaqarfianit aamma tunniussisoqarpoq.

AAMMA ATUARUK Island Gamesip naggataarnerani pingasunik medaljannattoqartoq

Tassalu ukiup sungiusaasua. Sungiusaasoq ataaseq sungiusaasullammattut toqqarneqarneqarani sungiusaasoqatigiit toqqarneqarput, tassalu nunaqarfimmi Ikerasammi timersoqatigiiffimmi Arctic Sportimi sungiusaasut arnat sungiusaallammattut toqqarneqarput.

Ikerasammi timersoqatigiiffimmi Arctic Sportimi timersornerup iluani sukkasuumik ineriartortitsisoqarpoq. Unammisunut peqataasarnerminnni angusaqarluartarput, qimasuullutik timersoqatigiinnut allanut maligassiusuullutik isummersuisuullutillu.

Nunat tamakkerlugu pissartanngorniunnerni GM-mi ukiormanna 13-nik guldinnaput, 13-nik sølvinnallutik 11-nillu bronzinnallutik.

AAMMA ATUARUK Ukaleq Slettemark nersorneqartoq

Maligassiusut naggaserlugit nersornaat nutaaq ukormanna siullermeerlugu tunniunneqarpoq, tassalu ukiup iligiivinut nersornaasiineq.

Tassalu sulorarluni nunanut allant unammisartunut tunniunneqarpoq, taakkua Gibraltarimi aasaq qeqertaaqqani pissartanngorniunnermi Islandimi Gamesimi guldinnappput.

Ajugaanerisa takutippaat malunaatilimmik ineriartorsimaneri tanngassimaarutigisorujussuuagut, Kalaallit Nunaanni Timersoqatigiit Kattuffiat taama oqarpoq

 

 

 

Aamma atuaruk

Kulturi

Aki-Matilda Høegh-Dam: Isummamik allanngortitsinngilagut – avataarsuata ujaraa angerlartinneqassaaq

På billedet ses et komplet skelet af den dinosaur, som er fundet i Østgrønland. Fossilerne er nu pakket ned og kan sendes til Grønland, hvis Grønlands Nationalmuseum og Arkiv ønsker det.
Kulturi

Nunatta Katersugaasivia Allagaateqarfialu allamik qinigassaqannginnami: Dinosaurit saarngi ukiut qulit sinnerlugit atukkiukkai

Kulturi

Nunatsinni assilisat allagaateqarfissuarmiittut akeqanngitsumik atorneqariaannaalertut