Tikaagullittassiissutit qoorortoorsorneqarlutik pisarineqarsinnaalerput
Tassa pisassiissutit 58-inik sinneqartut qoorortoorsorneqarlutik pisarineqarsinnaalerput, qamutilinnik piniarneq aningaasarpassuarnik naleqartoq atortariaarulluni.
Nunaqarfimmiunut tamanna iluaqutaassasoq aalisarnermut naalakkerasuisoq Karl-Kristian Kruse neriuppoq.
- Killiffiusumi pisarineqanngittut amerlanerat aallaaffigalugu periarfissiissuteqarpugut. Nunatta kitaani sumiiffiit ilaani neriuppunga iluaqutaalluarsinnaassasoq taamatut periarfissiineq, Karl-Kristian Kruse oqarpoq.
Aamma atuaruk Tikaagullittassat agguaanneqaqqipput
Aalisarnermut naalakkersuisup tikaagullinnik pisassiissutit qoorortoorsorluni pisarineqarsinnaasut, inatsisit malillugit amerlangitsunik pisassiissutigisinnaavaai. Siornatigut qoorortoorsorluni tikaagullinniarneq nunani allaniit uparuartorneqarnikuuvoq, uumasoq sivisuumik toquniartarnera peqqutaalluni. Taamaamallu tamanna inatsisinngorsimavoq.
- Malitassaqarpoq qoorortoorsorluni tikaagullinniarnermik ingerlataqassagaani aamma ilisimaneqaqqissaarpoq qoorortoorsorluni tikaagullinniarneq qanoq ingerlassanersoq, taamaammat ajornartorsiuteqarfiunissaa naatsorsuutiginngilara. Kisiannili akerliani sumiiffinni neqissaqarnikkut iluaqutigineqarsinnaanera taanna annertunerusoq qulakkeerinninnissaa taama periarfissiivunga.
Aamma atuaruk Nunatsinni arfattassaat amerlineqarnissaat neriulluarnartoqalerpoq
Tikaagullittassiisutit tamanut ammaanneqarnerisa kingunerisinnaavaa tikaagullittassiissutit 54 procentii qoorortoorsorluni pisarineqarsinnaangornissaat. Ammaanneqanngikkallaramik taamaallaat 25 procentii qoorortoorsorluni pisarineqarsinnaapput.
- Qoorortoorsorluni aammalu qamutilissorluni tikaagullinniarnermi massakkut tamanna periarfissiissutigineqarnera oqareersinnaangilanga affaa qoorortoorsorluni pisarineqassasut. Uuma qaamaap naanissaata tungaanut taana qanoq kinguneqassanersoq takuneqarsinnaanngussooq, Karl-Kristian Kruse oqarpoq.
Aamma atuaruk Tasiilami qilalukkanik qernertanik pisassiissutit ilaneqartut
Novemberip 30-ata tungaannut tikaagulliit 58-it piniarneqarsinaapput.
Tikaagullitassiissutigineqartut 2014-mi 14-inik sinneqarmata ukioq mannamut nuunneqarnikuupput.
