Tasiilami qilalukkanik qernertanik pisassiissutit ilaneqartut
Sermiligaami piniartut peqatigiiffiat qilalugartassat immikkut qulinik qaffanneqarnissaat pillugu aalisarnermut piniarnermut nunalerinermullu naalakkersuioqarfimmut saaffiginnissuteqarput.
Tasiilami qilalugartassiissutit nannutassiissutillu nungunneqarsimaneri pissutigalugit Sermiligaami piniartut peqatigiiffiat qilalugartasseeqqinnissamik qinnuteqartut, naalakkersuisoqarfik tusagassiorfinnut nalunaarummi allappoq.
Qilalugartassiissutit ukiup sinnerani nalinginnaasumik qaffanneqaqqissanngitsut, naalakkersuisoqarfik aamma allappoq.
Aamma piniartunut eqqaasitsissutigineqarpoq Namminersorlutik Oqartussat qilalukkanik qaqortanik qernertanillu illersuineq piniarnerlu pillugit nalunaarutaat malinneqassasoq.