Nunatsinni arfattassaat amerlineqarnissaat neriulluarnartoqalerpoq
Nunarput Danmarkillu ataatsimut aaqqiissuutissaliaat septembarip qaammataani IWC-p Sloveniami ataatsimiineranni saqqummiunneqartussaq EU-mit akuerineqarpoq. Taannalu ilaatigut nunarput ukiuni sisamani arfattassanik nungusaataanngitsumik annertussuseqarnissaat qulakkeerneqassasoq Naalakkersuisunit naatsorsuutigineqarpoq.
Naalakkersuisut Siulittaasuata Aleqa Hammondip aamma Aalisarnermut, Piniarnermut, Nunalerinermullu Naalakkersuisup Finn Karlsenip oqaatigaat Naalakkersuisunit naatsorsuutigineqartoq Sloveniami IWC-p ataatsimiinnerani naapertuuttumik aalajangiinissaq akuersaarneqarluassasoq, Naalakkersuisut nittartataagani tusagassiutinut nalunaarummi taama oqarput.
Aalisarnermut, Piniarnermut, Nunalerinermullu Naalakkersuisoqarfiat danskillu nunanut allanut ministereqarfiat siunersuumi amerlanerussuteqalernissamut suliassanik suli pisassaqarput.
Arfattassanik pisassiissutit 2015-miit 2018-mut ima isikkorqarput:
Kitaani:
Tikaagulliit 164-it
Tikaagulliusaat 19-it
Qipoqqaat 10-t
Arfiviit 2-t
Tunumi:
Tikaagulliit 12-it