Tiilerilaami imeq mingutsinneqarsimasoq – atunnginnerani qalatinneqaqqaassaaq
Bakterissamik coliforme-imik akoqarpallaarneranik nassaartoqarpoq. Imeq atorneqartinnagu qalatinneqaqqaartassasoq Avatangiisinut Pinngortitamullu Naalakkersuisoqarfik innersuussivoq.
Tiilerilaami innuttaasut qalaasseqqaaqqusinermut innersuut atorunnaarsinneqarnissaata tungaanut malissagaat, Naalakkersuisoqarfik tusagassiutinut nalunaarumminni kajumissaarutigaat.
Allattoq Ivalu Nivi Johansen
aggustip 27-at 2025 14:44
Nutserisoq Karla Heilmann
Tiilerilaami imermik nutaamik misissuisoqarneranut atatillugu bakterianik coliforme-inik nassaartoqarpoq.
Ermup atorneqannginnerani qalaanneqartassasoq, Avatangiisinut Pinngortitamullu Naalakkersuisoqarfik maanna innersuussipput.
Naalakkersuisoqarfiup tusagassiutinut nalunaarutaat naapertorlugu, Tiilerilaami innuttaasut malittassaattut innersuussaq aana:
- Imeq imerneqartussaq qalatseqqaaruk: Imeq imerneqartinnagu, nerisassiunnginnermi, meeqqanut inuussutissatigut atorneqartinnagu imaluunniit kigutissannginnermi minnerpaamik minutsimi ataatsimi qalaanneqaqqaassaaq.
- Imermik qalaasseqqaarneq ukununnga atortinnagu: Imertinnagu, nerisassiornermut, naatsitanut errortuinnginnermi, erruinnginnermi, nillorusiunnginnermi aamma ikernik saliinnginnermi.
- Imeq qalaateqaarnissaa ukununnga pisariaqanngilaq: Uffarnermi, assat errortornerani aamma eqqiaanermi, kisianni taakkunani suliaqarnermi imernissaq pinaveersaaruk.
Nukissiorfiit ajornartorsiut tamanna pillugu aaqqiissuteqarniarlutik suliaqartut aamma nutaanik naammaginartunik inernernik tigusaqartoqarnissaata tungaanut qaalaasseqqusinermik innersuussut aatsaat atorunnaassasoq, Naalakkersuisoqarfik allapoq.
