Isumannaallisaanermi Nuummi sisamanngorpat misissuisoqaqqilersinnaassasoq
Nunanut allanut timmisartorniartut isumannaallisaanermi Nuummi sisamanngornermi misissuiffigineqaqqilersinnaanngorput.
Greenland Airports ullumi pingasunngornermi taama nalunaaruteqarpoq.
Isumannaallisaanermi misissuinissamut Danmarkimi mittarfinni marlunni sulisutut akuerisat Nuummut ippassaq tikipput, Nuummiillu nunanut allanut timmisartuussisoqalersinnaaneranut qulakkeerinnillutik.
Isumannaallisaanermi sulisut Nuummeereersut piaartumik sulileqqissinnaanissaat aamma ilungersuutigigitsik ingerlatseqatigiiffimmit nalunaarutigaat.
- Nuummi Securitymik pingasunngornermi matusineq timmisartuutileqatigiiffinnut timmisartortussanullu eqqugaasunut akornutaasupilussuusoq nalunngilarput. Tamanna ajuusaarutigeqaarput, mittarfittalu pitsaasunik misigisaqarfiunissaa ilungersuutigaarput, Greenland Airportsip nalunaarutaani allaqqavoq.
Timmisartortussat eqqugaasut angalanissartik pillugu timmisartuutileqatigiiffinnit paasissutissinneqassapput.
