Theresa Mayip Nunat Avannarliit suleqatigineqaannarnissaat ilisimatitsissutiginiaraa
Tuluit Nunaata EU-mi ilaasortaajunnaarnissaata kingorna Nunat Avannarliit qanimut suleqatigineqaannarnissaat taassuma ilisimatitsissutiginiarpaa.
Tuluimmi EU-mi aappaagu ilaasortaajunnaarpata Nunat Avannarliit aningaasarsiornerannut eqquisinnaavoq, Kalaallit Nunaat, Savalimmiut Islandilu taakkununnga ilaallutik.
AAMMA ATUARUK Nunani Avannarlerni ministerit Nunani Avannarlerni Siunnersuisooqatigiit ataatsimiinnissaannut piareersartut
Theresa Mayip Nunat Avannarliit Siunnersuisoqatigiivisa Oslomi ataatsimiinnissaannut qaaqquneqarneranut tamanna ilaatigut tunuliaqutaavoq.
Nunat Avannarliit Siunnersuisoqatigiivisa præsidentiat Michael Tetzschner tusagassiuutinut nalunaarummi ima ilaatigut allappoq:
Nunani Avannarlerni isumannaallisaaneq Siunnersuisoqatigiit ataatsimiinneranni eqqartorneqartussanut ilaavoq.
Nunani Avannarlerni suleqatigiinnermut naalakkersuisoq Vittus Qujaukitsoq nunarput sinnerlugu peqataassaaq, Sofia Geisler, Inuit Ataqatigiinneersoq, Laura Táunâjik, Siumumeersoq, aamma peqataapput.
AAMMA ATUARUK Attumi siunnersuisoqatigiit nersornaammut piukkunneqartut