Attumi siunnersuisoqatigiit nersornaammut piukkunneqartut

Attumi Pinngortitami Isumalluutinut Siunnersuisoqatigiit, tassaasut sumiiffimmi aalisartut piniartullu, imaani avatangiisit pillugit suliniuteqartuupput.

Pinngortitamik nakkutigiinnittuupput, ingerlatsinermi suliniuteqartoqarnissaanik siunnersuuteqartarlutik ullutsinnilu ilisimatuussutsikkut suliatigut ikiuuttarlutik sumiiffimmilu akisussaaqataaneq qulakkeertarlugu, Namminersorlutik Oqartussat tusagassiorfinnut nalunaarummi taama allapput.

Suliniarneq Nunat Avannarliit Siunnersuisoqatigiivisa avatangiisinut nersornaataannut 2018-imut piukkunneqartunut ilanngunneqaqqammerpoq, tassani ukioq manna sammineqartut tassaallutik imaani uumassuseqarnermik illersuinerit suliniutit.

Avatangiisinut nersornaaserneqartussaq Oslomi Nunat Avannarliit Siunnersuisoqatigiivisa katersuunnerinut atatillugu ullormi oktobarip 30-ani 2018-imi tamanut saqqummiunneqassaaq.

Nersornaatip aningaasartai 350.000 danskit koruuniupput.